PA'JARIANG 19:13 - KITTA' MATANGKASA'

¹³ nasaba' anne kotaya lanipanraki ri kambe. Nalangngere'mi Batara sikamma tuduhang battalaka mae ri sikamma tau ammantanga ri anne kotaya, na ikambemi anne nisuro battu untu' antumpasaki anne kota Sodom.”

PA'JARIANG 19:13 Iomraidhean Croise

PA'JARIANG 13:13

Anjo kota Sodom sangnging tau sanna' ja'dala'na siagang tau doraka ngaseng ri Batara ammantang anjoreng.

PA'JARIANG 18:20

Nampa Nakana pole Batara mae ri Abraham, “Nia' tuduhang lompo mae ri kota Sodom siagang Gomora, siagang anjo ke'nanga memang teai sipato' lompona dosana.

PA'JARIANG 19:12

Nakanamo anjo ruaya toana mae ri Lot, “Punna nia' ana'-ana' bura'nenu, ana'-ana' bainenu, mintunnu yareka sari'battannu maraengannaya ammantang lalang ri anne kotaya, erang ngasengi ke'nanga assulu' battu anrinni,

YESAYA 3:11

Mingka cilakai tau ja'dalaka! Lanihukkungi ke'nanga kamma nigaukanga mae ri tau maraenga.

YESAYA 36:10

Nukana battui ikambe ambunduki siagang ambetai pa'rasangannu natena Nibantui ikambe ri Batara? KalenNa Batara ansuroi ikambe battu ambunduki siagang angngancuruki pa'rasangannu.”

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

KAIMANGNGANG 26:30

LaKuancuruki sikamma tampa' panynyombannu ri bulu'-buluka, Kurumbangi sikamma tampa' pakkoro'bangngannu untu' attunu dupa, nampa Kupasambila sikamma maya'nu mae ri rumbanna anjo sikamma barhalanu. ErokKa' Kusa'ring ta'langnge

PAMMILANGNGANG 16:21

“Ammono'bokoko battu ri sikamma anjo taua; laKupossoki ke'nanga kamma-kamma memang anne.”

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

PAOLE 28:45

Sikontu anjo balaya lanatujuko siagang latuli nia'na battu anggangguko sa'gennu ancuru', lanri tenana numannuruki mae ri Karaeng Allata'alanu siagang tena nugaukangi hukkung-hukkung Napassareanga mae ri kau.

PAOLE 4:26

Tapporo langika siagang linoa a'jari sa'bi anne alloa angkanaya punna tena numannuruki mae ri nakke, tasalloami nu'lanynya' battu ri butta nupammantangngia ri ba'leanna anjo Binanga Yordan. Tasalloako lammantang anjoreng, lanri laniancuru' taba sikaliko.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.