PA'JARIANG 16:2 - KITTA' MATANGKASA'

² Nakanamo Sarai ri Abram, “Tena pangngellaiNa Batara ri nakke untu' allassukang ana'. Lanri kammana anjo, bajikangngang sikatinroammako anne atangku. Barang akkullei allassukang ana' untu' inakke.” Naturukimi Abram anjo pappala'na Sarai.

PA'JARIANG 16:2 Iomraidhean Croise

PA'JARIANG 11:30

Na anjo Sarai tubaine tamanangi.

PA'JARIANG 17:16

LaKubarakkaki anjo bainennu siagang lanalassukangi sitau ana' bura'ne ia laKupassareanga mae ri kau. LaKubarakkaki Sara, siagang iami la'jari anronna sikontu bansa-bansaya. Battu ri turunganna lania' siapa are jaina la'jari karaeng.”

PA'JARIANG 18:10

Nakanamo kalase'renna ke'nanga, “Salapang bulang sallang sallona nakulammotere' pole mae anrinni. Na anjo wattua, anjo bainennu Sara langgappami sitau ana' bura'ne.” Anjo wattua niaki Sara ampilangngeri bicaranna ke'nanga ri pakke'bu' kemaya, ri bokona anjo toanaya.

PA'JARIANG 19:31

Nakanamo anjo ana' baine toana ri andi'na, “Toami manggeta, nampa ri sikontu anne pa'rasanganga tena tu bura'ne lakkulle ambuntingiki' sollanta akkulle anggappa ana'.

PA'JARIANG 25:21

Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.

PA'JARIANG 3:12

Appialimi anjo bura'nea angkana, “Anjo baine Kipassareanga angngaganga' ansarea' anjo rappoa, sa'genna kukanre.”

PA'JARIANG 3:17

Nampa Nakana Karaeng Allata'ala mae ri anjo bura'nea, “Nupilangngeri kana-kananna bainennu nampa nukanre anjo rappo kayu le'baka Kupappisangkang angkana teako kanrei. Lanri anjo panggaukannu, nitunraimi buttaya. Musti anjama terasakko lalang sikontu tallasa'nu nanampa akkulle assare wassele' ganna' anne buttaya untu' kanrenu.

PA'JARIANG 30:22

Nampa Nau'rangimo Allata'ala Rahel. Naturukiammi pappala' doanna siagang nasaremi pangngellai untu' allassukang ana'.

PA'JARIANG 30:6

Nakanamo Rahel, “Nagaukammi adeleka Allata'ala untu' kaparalluangku. Napilangngeri pappalakku na Nasarema' sitau ana' bura'ne.” Nampa naaremmo anjo anaka Dan.

PAMMUJI 127:3

Ana'-anaka passareNa Allata'ala, sikontutojenna, anjo ke'nanga passare.

KALAPPASSANG 21:4

Punna nipa'bunting ri pinggawana siagang sitau baine, nampa anggappa ana', anjo bainenna siagang ana'na pinggawana pata, siagang takkulleai amminawang ri anjo ataya punna nilappassangi.

RUT 4:11

Sikamma tutoa-toana masarakaka siagang tumaraengannaya ia hadereka anjoreng massing angkanami, “Iyo, ikambemi sa'bina. Tapporo nipa'jari anjo bainennu ri Batara sangkamma Rakhel siagang Lea, allassukanga jai ana' untu' Yakub. Tapporo kalumanynyangko ri tangnga-tangngana tau battua ri bijanna Efrata, siagang tapporo alla'bangko niasseng ri Betlehem.