PA'JARIANG 13:7 - KITTA' MATANGKASA'

⁷ A'besere'mi sikamma pakalawakinna Abram siagang sikamma pakalawakinna Lot. (Anjo wattua nia' iji tu Kanaan siagang tu Feris ammantang anjoreng ri pa'rasanganga.)

PA'JARIANG 13:7 Iomraidhean Croise

PA'JARIANG 10:19

sa'genna luara'na pa'rasanganna ke'nanga iamintu appakkaramula pa'bambaeng-baenna battu ri Sidon a'lampa timboro' sa'genna Gerar, sa'genna ri ampi'na Gaza, siagang a'lampa anrai' mange ri Sodom, Gomora, Adma, siagang Zeboim, sa'genna ri ampi'na Lasa.

PA'JARIANG 12:6

najappaimi Abram sikontu anjo pa'rasanganga sa'genna battu ri poko' kayu karama' ri More, iamintu tampa' panynyombanga ri Sikhem. (Anjo wattua nia' iji tu Kanaan ammantang ri anjo pa'rasanganga.)

PA'JARIANG 21:25

Mingka ribokoanganna nasassala'mi Abraham anjo Abimelekh passabakkang se're bungung naalle passaya sikamma atanna anjo karaenga.

PA'JARIANG 26:20

Mingka a'besere'mi sikamma pakalawaki niaka ri Gerar siagang sikamma pakalawakina Ishak. Nakana ke'nanga, “Anne je'neka ikambe pata.” Iaminjo saba'na nanaaremmo Ishak anjo bungunga “Pa'beserang”.

PA'JARIANG 34:30

Nakanamo Yakub ri Simeon siagang Lewi, “Nususai ngasemma' antu. Kamma-kamma anne inakke nakabirisima' tu Kanaan, tu Feris kammayatompa sikontu tau niaka anrinni ri pa'rasanganga. Ikatte taunta tena najai. Punna asse're ngaseng anjo taua angngewa' siagang ambundukia', sikontu bija pammanakanta akkulle ngasengi naancuru'.”

PA'JARIANG 46:34

pauammi angkana battu ri ca'dinu iji nummarakaimo olo'-olo' piara sangkamma boe-boenu. Lanri kammana, lanasuro ngaseng mako ammantang ri Daera Gosyen.” Akkana kammami anjo Yusuf, lanri tu Mesirka nakanai kalenna tuna assibengkoro' siagang sikamma pakalawakia.

NEHEMIA 5:9

Nampa kukanamo pole, “Kodi anjo panggaukannu! Mustina mallakko lalang tallasa'nu mae ri Allata'ala. Lanri kammana, anjo musunta tenaya allata'alana, tenamo nusarei kasampatang untu' anghinaki'.

KALAPPASSANG 2:17

Mingka nia'mo siapa are pakalawaki ambongkai anjo ana'-ana' tuloloa. Nabattumo Musa antulungi ke'nanga siagang nasaremi je'ne' inung olo'-olo' piarana ke'nanga.

PANGNGEBARANG 20:3

Tau toloaji bawang nangai a'besereka; sipa' nipujia iamintu mabellaya battu ri pa'beseranga.

MARKUS 3:25

Na punna nia' se're balla', natena nassamaturu' bonena, siagang assimusu-musui para ia, tena taancuru'na ngaseng bonena.

1 KORINTUS 3:3

nasaba' mannuruki ijako ri cara sipa'-sipa' rupataua lalang ri katallassannu. Nasaba' punna massing sikimburu ijako siagang masarro ijako assiba'ji para ikau, sai iami anjo buttina ma'nassanu mannuruki ijako ri cara sipa'-sipa' tau tenaya natappa' ri Allata'ala lalang ri katallassannu?

GALATIA 5:20

kammayatompa ri panggaukang anynyombaya ri barhala, baca-baca pangngissenganga; assimusu-musua, passiba'jianga, akkimburua, pa'larroanga, kaparalluang kalennaji bawang naboyai, appasisala-salaya tau, siagang a'golongang-golonganga;

KOLOSE 4:5

Mae ri parannu tau, ia tenayapa natappa', baji'-bajiki katallassannu nanupake baji' sikamma kasampatang niaka.

1 TESALONIKA 4:12

Punna kamma ngaseng anjo batenu attallasa', tenamo nulatanjeng mae ri tau maraenga untu' katallassannu; siagang lanianggara' tommako ri tau tenayapa natappa' mae ri Almasi.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

YAKOBUS 3:16

Kemae-kemae nia' sipa' pakkimburuang siagang sipa' kaparalluang kalenna bawang naondang, anjoreng tommi nia' karicuang siagang a'rupa-rupa kaja'dallang.

YAKOBUS 4:1

Battu kemae assala'na passiba'jianga siagang pa'beseranga ri tangnga-tangnganu? Sai battu ri sikamma cinna tuli a'besereka lalang ri kalennu untu' anggappai kasannangang linoa.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.