PA'JARIANG 13:4 - KITTA' MATANGKASA'

⁴ siagang ambangung tampa' pakkoro'bangngang. Anjoremmi anynyomba mae ri Batara.

PA'JARIANG 13:4 Iomraidhean Croise

PA'JARIANG 13:18

Le'baki anjo napalette'mi kema pa'ballakkanna Abram, nampa mange ammantang ri ampi'na poko'-poko' kayu karamaka, iamintu tampa' passambayangang ri Mamre ri ampi'na Hebron. Nampa ambangummo anjoreng tampa' pakkoro'bangngang untu' Batara.

PA'JARIANG 26:25

Nampa ambangummo Ishak se're tampa' pakkoro'bangngang untu' anynyomba ri Batara ri anjo tampaka. Akkemami anjoreng siagang sikamma surona, siagang angngekemi pole bungung maraeng.

PA'JARIANG 4:26

Nia' ana'na Set iamintu ana' bura'ne niarenga Enos. Iaminjo jammanga nappakkaramulamo taua napau arenNa Batara punna anynyomba.

PAMMUJI 107:1

“Sukkurukko mae ri Batara saba' Ia bajiki, pangngamaseanNa sa'genna satunggu-tungguna.”

PAMMUJI 107:15

Siratangi ke'nanga appala' sukkuru' ri Batara lanri pangngamaseanNa, lanri sikamma bate pare' malompoNa mae ri rupataua.

PAMMUJI 107:8

Siratangi ke'nanga appala' sukkuru' ri Batara lanri pangngamaseanNa, lanri sikamma bate pare' malompoNa mae ri rupataua.

PAMMUJI 116:17

Langngeranga' koro'bang sukkuru' mae ri Katte, nakuappanai' pappala' doang mae ri Katte.

PAMMUJI 116:2

Napilangngeria', kere-kere wattu nakukkio' mae ri Ia.

PAMMUJI 145:18

A'reppeseki mae ri tau akkioka mae ri Ia, siagang appalaka mae ri Ia siagang tulusu' pa'mai'na.

PAMMUJI 26:8

Kungai BallatTa, o, Batara, tampa' pammantangang kalompoanTa.

PAMMUJI 84:10

Kibarakkaki karaenna ikambe, o, Allata'ala, Kijagai laloi tau le'baka Kipile.

YESAYA 58:9

Punna appala' doangko, laKuturukiangko pappala'nu. Punna akkiokko mae ri Nakke, lappialiA' mae ri kau. Tea' mako jallakkangi parannu tau, pammarimi passimusuanga siagang pitinaya.

YEREMIA 29:12

Jari lappala' tulungko mae ri Nakke. Labattuko mae ri Nakke appala' doang, nampa laKupiali pappala' doannu.

ZEFANYA 3:9

Mingka sallang laKupinrai atinna anjo bansa-bansaya, sa'genna appala' doang ke'nanga mae ri Nakke bawang, siagang tena nappala' doang mae ri rewata-rewata maraenga. Sikontu anjo bansa-bansaya lamannuruki mae ri Nakke.