PA'JARIANG 13:12 - KITTA' MATANGKASA'

¹² Tuli ammantammi Abram ri butta Kanaan, nampa Lot akkemami ri kota-kota ri lapparaka sa'genna ri ampi'na Sodom.

PA'JARIANG 13:12 Iomraidhean Croise

PA'JARIANG 13:11

Kale'bakkanna iaminjo sikontu Lappara'na Yordan napilei Lot. Jari a'lampami mange ri bageang iraya. Kammaminjo nasisa'la'mo anjo tau ruaya.

PA'JARIANG 14:12

Na ia Lot, iamintu kamanakanna Abram, nia' tongi ammantang ri Sodom. Jari nierang ngaseng tongi ri musua siagang sikamma barang-baranna.

PA'JARIANG 14:2

A'bunduki anne ke'nanga siagang lima karaeng maraeng, iamintu: Bera battu ri Sodom, Birsya battu ri Gomora, Syinab battu ri Adma, Semeber battu ri Zeboim, siagang Karaeng Bela ia niarenga todong Zoar.

PA'JARIANG 19:1

Le'ba'na nitoana ri Abraham, a'lampami anjo ruaya malaeka' mange ri kota Sodom. Bangngimi nampa battu ke'nanga mange anjoreng. Sitabangi ammempo Lot ri pakke'bu' lompona kotaya anjo wattua. Nacini'na ke'nanga, ammentemmi Lot mange anruppai ke'nanga. Su'ju'mi Lot ri dallekanna ke'nanga,

PA'JARIANG 19:24

Ti'ring appaturummi Batara bosi bara pepe' irateanna kota Sodom siagang Gomora.

PA'JARIANG 19:25

Niancuru'mi anjo ruaya kota, kammayatompa sikontu lapparaka, sikontu lamung-lamunga siagang sikontu tau niaka ammantang anjoreng.

PA'JARIANG 19:29

Kammaminjo kajarianna ri wattunna Napanraki Allata'ala anjo kota-kotaya, ri lappara' napammantangia Lot. Angngu'rangi Allata'ala ri Abraham, sa'genna natulummo Lot ampilari anjo tampaka.

PAMMUJI 26:5

Kukabirisi passe'reanna tu a'gau' ja'dalaka, kuliliangi pa'rappunganna tu ja'dalaka.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.