PA'JARIANG 13:1 - KITTA' MATANGKASA'

¹ Nabokoimi Abram Mesir nampa a'lampa wara', mange ri bageang timboranna Kanaan, a'lampa siagang bainenna kammayatompa sikamma barang-baranna. Namminawang todong Lot.

PA'JARIANG 13:1 Iomraidhean Croise

PA'JARIANG 20:1

A'letteki Abraham battu ri Mamre, ri bageang timboranna butta Kanaan, nampa ammantang anjoreng ri alla'na Kades siagang Syur. Siapa are wattu ribokoanganna, ri wattunna ammantang ri Gerar,

PA'JARIANG 21:33

Nampa a'lamummo Abraham se're poko' kayu niarenga tamariska ri Bersyeba, siagang appakkaramula anjo wattua napakemi anjo tampaka untu' anynyomba ri Batara, Allata'ala mannannunganga.

2 SAMUEL 24:7

Battu anjorengi ke'nanga nampa a'lampa timboro' mange ri Tirus iamintu kota niaka pattahanganna. Situlusu'na a'lampami pole ke'nanga mange ri sikontu kotana tu Hewi siagang tu Kanaan, nampa kala'busanna mange ri Bersyeba, bageang timboranna Yehuda.

PAMMILANGNGANG 13:17

Ri wattunna nasuro Musa a'lampa ke'nanga, appasangi mae ri ke'nanga angkana, “A'jappa a'lampa warakko, mange ri bageang timboranna butta Kanaan, nampa turusko mange ri daera a'bontoa.

YOSUA 10:40

Sikontu anjo pa'rasanganga nibeta ngasemmi ri Yosua. Nabetai anjo sikamma karaenga ri daera pa'monconganga, ri pungku'na bulu'-bulu' irayaya, ri bangkenna moncong-moncong bageang ilauka, kammayatompa ri parang-parang bageang timboroka. Tena manna sitau nalappassang attallasa'; nibuno kabusuki. Anjo kammaya situruki parenta battua ri Batara, Allata'alana Israel.

YOSUA 18:5

Anjo buttaya musti nibagei a'jari tuju bageang. Suku Yehuda lammantang tulimi ri daera bageang timboro', nampa Yusuf ri daera bageang wara'.

1 SAMUEL 27:10

Punna akkuta'nang Akhis ri ia angkana, “Kemaeko a'bundu' ri kamma-kammaya anne?” Jari appialimi Daud angkanaya a'lampai mange ri bageang timboranna Yehuda yareka ri daerana tu Yerahmeel yareka ri daera pammantanganna tu Keni.