PA'JARIANG 10:4 - KITTA' MATANGKASA'

⁴ Sossoranna Yawan iami a'jari pandudu' ri Elisa, Spanyol, Siprus, siagang Rodes.

PA'JARIANG 10:4 Iomraidhean Croise

PA'JARIANG 10:5

Iami ke'nanga a'jari boe-boena sikamma bansa ammantanga ri sikamma biring tamparanga siagang ri pulo-puloa. Ia ngasemmi anjo sossoranna Yafet. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.

1 PATTOTTORANG 1:7

Turungang battua ri Yawan iamintu: Tu Elisa, Spanyol, Siprus siagang Rodes.

YESAYA 23:1

Iaminne pappasang ri passala'na Tirus. He, sikamma pakappalaka ri Tarsis ansombaliai tamparang lompoa, appiraung mako! Ri wattunnu assombala' ammotere' battu ri Siprus, lanipauang mako angkanaya ancuru'mi Tirus. Pa'labuannu siagang sikamma balla'nu a'jari rumbangang ngasemmi.

YESAYA 23:12

Nakana Batara, “He, kota Sidon! Tenamo nulassannang-sannang pole. Nijallakkammi pandudu'nu. Manna pole nalari ke'nanga mange annompang ri Siprus, tena todong nalaamang ke'nanga.” (

YEHEZKIEL 27:12

Nubalukangi anjo barang-barang danggangannu alla'bi-la'bia ri Spanyol; na salaku ballinna annarima mako pera', bassi, tima kebo', siagang tima le'leng.

YEHEZKIEL 27:25

A'rurung-rurungi kappala' lompoa angngerangi barang-barang danggangannu. Rapangko kappala' tarraka luranna, kappala' assombali tamparang lompoa.

YEHEZKIEL 27:6

Sikamma pa'bisenu, kayu-kayu lompo battu ri Basan nipare'. Dapara'nu kayu camara nipare', battu ri pulo Siprus kabattuanna, belo-belona battu ri gading ka'jalaka anggaranna.

YEHEZKIEL 27:7

Sombala' siagang areng pammateinu battu ri kaeng lenang nipare', pare' Mesir, a'rupa-rupa sulanna. Tamaka alusu'na bahanna tenda-tendanu, kaeng battu ri Siprus, cura' lame butung.

DANIEL 11:30

Nasaba' tu Roma siagang kappala'-kappala'na laniaki battu ri Siprus; lanibunduki ri ke'nanga sa'genna a'jari sanna'mi malla'na. Nampa lammotere'mo larro sikali siagang ero'mi naancuru' agamana umma'Na Allata'ala. Lanapilangngeri pappitangara'na tau a'bokoamo battu ri anjo agamaya.

PAMMILANGNGANG 24:24

Mingka lania' pasukang battu ri Siprus, lanabetai tu Asyur siagang Heber, nampa laancuru' todong anjo pasukanga.”