PA'JARIANG 10:10 - KITTA' MATANGKASA'

¹⁰ Uru-uruna antamaya kakaraenganna iamintu Babel, Erekh, siagang Akad, tallu-talluna nia' ngasengi ri Babilonia.

PA'JARIANG 10:10 Iomraidhean Croise

PA'JARIANG 10:9

Lanri pannulunNa Batara nanipa'jarimo tau pore ammurang. Lanri kammana minjo nabiasa taua angkana, “Poro Napa'jariko Batara tupore ammurang sangkamma Nimrod.”

PA'JARIANG 11:2

Ri wattunna a'lampa bellamo anrai' ke'nanga, battumi ke'nanga ri se'reang parang lappara' ri Babilonia, nampa ammantang ke'nanga anjoreng.

PA'JARIANG 11:9

Iaminjo saba'na naniaremmo anjo kotaya Babel, lanri anjoremmi Napasisala-sala Batara bahasana sikontu bansaya, siagang battu anjoremmi ke'nanga nipasisa'la'-sa'la' ri Batara mange ri sikontu linoa.

PA'JARIANG 14:1

Nia' appa' karaeng, iamintu: Amrafel battu ri Babilonia, Ariokh battu ri Elasar, Kedorlaomer battu ri Elam, siagang Tideal battu ri Goyim.

YESAYA 10:9

Kualle passai kota-kota Kalno siagang Karkemis, Hamat siagang Arpad. Kualle tongi kota-kota Samaria siagang Damsyik.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 39:1

Tena nabella ri anjo wattua, karaeng Babel, iamintu Merodakh ana'na Baladan, allangngereki kabara' angkanaya beru ammollei Karaeng Hizkia battu ri garrinna. Jari assuromi siapa are tau a'lampa untu' angngerang sura' siagang hadia mae ri Karaeng Hizkia.

YEREMIA 21:2

“Appalakko pitunju' battu ri Batara untu' ikatte, nasaba' nikurummi kotata ri Nebukadnezar karaeng Babel siagang pasukanna. Gassingka lappa'niaki gau' malompo Batara untu' ikatte, na Napassa Nebukadnezar ampamonoki ammotere' pasukanna.”

YEREMIA 50:1

Iaminne pasanNa Batara mae ri nakke ri sesena Babel siagang pandudu'na,

YEREMIA 50:21

Nakana Batara mae ri se're bansa niaka battu wara', “Bunduki pandudu'na Merataim siagang Pekod. Bunoi siagang panraki ke'nanga. Gaukangi parentaKu. INakke, Batara, anne akkana.”

YEHEZKIEL 27:23

Kota-kota Haran, Kane, Eden, sikamma padanggang battua ri Syeba, kota-kota Asyur siagang Kilmad, yangasenna a'danggangi siagang ikau.

DANIEL 1:2

Nisaremi pangngellai ri Batara untu' ambetai Karaeng Yoyakim, kammayatompa anrampasaki siapa are jaina barang-barang tinggia anggaranna ri Balla'Na Batara. Sikamma tau nitahanga, naerangi mange ri balla' rewatana ri Babel, nampa sikamma barang-barang tinggia anggaranna narampasaka, naboliki lalang ri gudang-gudanna anjo balla' rewataya.

AMOS 6:2

Mae mako ciniki ri Kalne, siagang a'jappa tulusu' mako mange ri anjo kota Hamat lompoa, nampa mange ri kota Gat ri Filistin. Nukapangi angkanaya anjo kota-kotaya la'bi bajiki nakakaraengang Yehuda siagang Israel. Maka la'bi lompoangangi daerana ke'nanga nadaeranu?

MIKHA 4:10

He pandudu' Yerusalem, ammuriang mako siagang akkunrareng mako rapang baine ammanaka! Nasaba', kamma-kamma anne musti nubokoi kotaya nampa ammantangko ri paranga. Musti a'lampako mange ri Babel, mingka anjoreng laNalappassangko Batara battu ri musu-musunnu.

MIKHA 5:6

Tu Israel niaka ija tassesa la'jari rapang saliu' dinging battu ri Batara untu' jaia bansa, siagang rapang turunna bosia mae ri lamung-lamunga. Latanjengi ke'nanga mae ri Allata'ala, teai mae ri rupataua.

ZAKHARIA 5:11

Appialimi angkana, “Mange ri Babel. Anjorengi ke'nanga lanapa'bangungang balla' panynyombang. Punna le'ba' anjo balla' panynyombanga, lanapadongkoki ke'nanga anjo karanjenga anjoreng untu' nasomba.”