PA'JARIANG 1:6 - KITTA' MATANGKASA'

^6-7 Nampa Nakanamo Allata'ala, “A'jariko se're pannahang untu' ansa'laki anjo je'neka a'jari ruang pammantangang, siagang nanatahang lalang ri tampa' tassa'laka.” Nakajariammo anjo passalaka. Kammaminjo Napare'na Allata'ala pannahang ampasisa'lakai je'ne' niaka irawanganna anjo pannahanga siagang niaka irateanganna.

PA'JARIANG 1:6 Iomraidhean Croise

PA'JARIANG 1:14

Nampa Nakana Allata'ala, “Kuerokangi nia' apa-apa singara' ri langika untu' ansingari buttaya, untu' ampasisa'laki singaraka siagang bangngia, siagang untu' ampa'nassai wattu pakaramulana alloa, taunga, siagang allo lompona agamaya.” Nakajariammo anjo passalaka.

PA'JARIANG 1:20

Nampa Nakana Allata'ala, “Kuerokangi nia' apa-apa attallasa' a'lange-lange lalang ri je'neka, siagang jai jangang-jangang anri'ba' rate ri allaka.”

AYUB 26:13

Nappasa' antuiki langika sa'genna singara' sikali; limanNa ambunoi naga eroka lari.

AYUB 37:11

Napierangngi rammanga siagang je'ne', naccaya rammanga nisingari ri kila'.

AYUB 37:18

Maka akkulleko sangkamma Allata'ala ampabantangi langika siagang ampa'jari terasaki sangkamma bassi nibajaka yareka kacaya?

PAMMUJI 104:2

akkalimbukKi' cahaya. IKatte ampaka'rangi langika sanrapang kema,

PAMMUJI 148:4

Pujimi, he langi' kaminang tinggia, pujimi, he je'ne' irate langika!

PAMMUJI 150:1

Pujimi Batara! Pujimi Batara lalang ri Balla'Na! Pujimi kagassinganNa ri langika!

PAMMUJI 19:1

Untu' pamimping pakelong. Pammujina Daud.

PAMMUJI 19:2

Langi' ampa'nyatai kalompoanNa Allata'ala, siagang allaka ancaritai bate pare'Na.

PAMMUJI 33:6

Assarei parenta Batara, na'jarimo langika; mataallo, bulang, na bintoeng nipa'jari ri kananNa.

PAMMUJI 33:9

Saba' akkanaji bawang, na'jarimo yangasenna; ammarentaji bawang, nania'mo yangasenna.

KATO'BA 11:3

Manna kemae rumbanna poko' kayua, tuli lanra'bana naung ri tampa' rumbanna. Punna angngerangi je'ne' rammanga sa'genna battala', laturung tongi bosia ri lino sanna' lompona.

YESAYA 40:22

Mappa'jarina ammempoi ri empoang kala'biranNa irate ri bundala'na linoa, pandudu'na buttaya ca'di nicini' rapang katimbang. Naka'rangi langika rapang kaeng, nampa Napasang rapang kema untu' nipammantangngi.

YEREMIA 10:10

Mingka iKatte, Batara, Allata'ala tojenga, Allata'ala assarea katallassang, Karaeng mannannunganga. Punna larroKi', ta'ge'gosoki buttaya, Punna nassuKi' tattahangngai bansa-bansaya. (

YEREMIA 51:15

Batara ampa'jari buttaya lanri koasaNa, Napareki linoa lanri kacara'dekanNa, Naka'rangi langika lanri akkala' baji'Na.

ZAKHARIA 12:1

Iaminne pasanNa Batara ri sesena Israel. LaNaka'rangi Batara langika, Napa'jari buttaya kammayatompa Nasarei katallassang rupataua, Nakana,

2 PETRUS 3:5

Napakkunjungiangi taeroka ke'nanga angngassengi angkanaya langika siagang buttaya nipa'jari la'bi riolo tete ri kananNa Allata'ala; angkanaya je'ne' siagang battu ri je'neki nipa'jari buttaya;