PA'JARIANG 1:16 - KITTA' MATANGKASA'

¹⁶ Kammaminjo Napa'jarina Allata'ala ruaya apa assarea singara' lompo, iamintu mataallo untu' koasa ri singaraka, siagang bulang untu' koasa ri bangngia; pantaranganna anjo Napare' tommi sikamma bintoenga.

PA'JARIANG 1:16 Iomraidhean Croise

AYUB 31:26

Tale'bakai kusomba allo singaraka sioro'na yareka bulang ga'gaya cayana.

AYUB 38:7

ri wattu akkelong sikamma bintoeng bari'basaka siagang akkio' rannu sikamma apa attallasaka ri suruga?

PAMMUJI 148:3

Pujimi, he mataallo siagang bulanga, pujimi, he sikamma bintoeng accillaka!

PAMMUJI 148:5

Bajiki punna mammuji ngaseng ke'nanga ri arenNa Batara, saba' yangasenna nipa'jari lanri parentaNa.

PAMMUJI 19:6

ammumbai ri bari'basaka sanrapang bunting bura'ne assulu' battu ri kamara'na, sanrapang tubarani eroka ampakaramulai pa'lampanna.

PAMMUJI 74:16

IKatte ampa'jari alloa siagang bangngia, siagang Kipattantu tampa'na alloa siagang bulanga.

PAMMUJI 8:3

nikelongang ri ana'-ana' siagang ana' loloa. Majarreki pamarentahanTa tamakkulle nilengga untu' antongkoki bawana musua siagang balia.

YESAYA 13:10

Tunggala' bintoenga siagang pa'rappungang bintoenga lammari accaya; lasassangi mataalloa ri wattunna ammumba, siagang tenamo nalaccaya bulanga.

YESAYA 24:23

La'jari sassangi bulanga siagang tenamo naccaya mataalloa, lanri Batara Kaminang Makoasaya ammarenta salaku Karaeng. Ia lammarentai ri Yerusalem, irate ri Bulu' Sion, siagang Napappicinikangi kalompoanNa mae ri sikamma pamimpinna umma'Na.

YESAYA 40:26

Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

YEREMIA 31:35

Mataalloa Napasadiai Batara untu' a'jari singara' ri wattu allo; bulanga siagang sikamma bintoenga untu' ansingari bangngia. Nagoccangi tamparanga sa'genna a'rere bombanga, Batara Kaminang Koasaya, iaminjo arenNa.

HABAKUK 3:11

Cayana panaTa ta'buccu' sarring, pokeTa accilla'-cilla' nicini', nammarimo alloa siagang bulanga ri tampa'na.

MATIUS 24:29

“Tena nasallo ri le'ba'na anjo wattu kasusaanga, la'jari sassammi alloa, na tenamo naccaya singara' bulanga. Latu'guru' ngasemmi bintoenga battu ri langika. Na sikamma makoasaya lalang lino, la'jari sanna'mi ricuna.

MATIUS 27:45

Ri tangngana alloa, kira-kira tallung tette', a'jari sassammi sikontu pa'rasanganga.

1 KORINTUS 15:41

Simmaraengi ga'gana mataalloa siagang ga'gana bulanga. Sikamma bintoenga maraeng tongi ga'gana. Ba'lalo anjo sikamma bintoenga massing simmara'-maraeng tongiji ga'gana.

PAOLE 4:19

Teako dorakai lanri anynyombanu yareka nupa'matu-matuna kalennu mae ri apa niaka nucini' ri langika, kammaya: mataallo, bulang siagang bintoenga. Bansa maraenga Nabalang parekangi Karaeng Allata'alanu ansombai anjo barang-barang kammaya.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.