PA'JARIANG 1:11 - KITTA' MATANGKASA'

¹¹ Nakanamo pole Allata'ala, “Kuerokangi anjo buttaya appatimboi sangka' rupa poko'-poko', iamintu appa'niaka wassele' rappo-rappoang a'lisereka siagang rappo-rappoang maraengannaya.” Kajariammi anjo passalaka.

PA'JARIANG 1:11 Iomraidhean Croise

PA'JARIANG 1:12

Kammaminjo nappatimbomo buttaya sangka' rupa poko'-poko'. Nasannammo nyawaNa Allata'ala anciniki anjo passalaka.

PA'JARIANG 1:29

Kusareangko sikontu poko'-poko' kayu a'lisereka rapponna siagang rappo-rappoang maraenganga untu' a'jari kanrenu.

PA'JARIANG 2:16

Nakanamo Batara mae ri anjo taua, “Akkullei nukanre sikontu rapponna anjo poko'-poko' niaka ri anne kokoa,

PA'JARIANG 2:5

tenapa bine attimbo siagang tenapa lamung-lamungang ri buttaya, lanri tenapa Napaturungi Batara bosia siagang tenapa tau lanjamai anjo buttaya.

PA'JARIANG 2:9

Napatimbomi Karaeng Allata'ala sangka' rupa poko'-poko' ga'ga, bajika rapponna. Ri tangnga-tangngana anjo kokoa nia'mo attimbo poko' assarea katallassang, siagang poko' assarea pangngassengang ri passala'na bajika siagang kodia.

AYUB 28:5

Buttaya appaumba kanre mae ri rupataua, mingka rawanganna tommi anjo buttaya, yangasenna nibulingkara' sa'genna tassimbung buttaya.

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

PAMMUJI 147:8

Iami ampaka'rangi rammanga' ri langi'; Ia ampasadiai bosia mae ri buttaya, siagang ampatimboi rukuka ri buluka.

YESAYA 61:11

Rapang bine nipakioroka lattimboi a'jari lamung-lamung, kammaminjo Karaeng Allata'ala ampatimboi kasalamakkanga na sikontu bansaya lamammuji mae ri Ia.”

YEREMIA 17:8

Ia rapangi poko' kayu ri biring binanga assolonga je'ne'na; a'la'baki aka'na sa'genna je'neka. Tena namalla' ri wattu timoro', tuli moncongbulona leko'na. Manna pole nituju pa'rasanganga ri kakalotorang, tena nalussa' lanri tuli nia'na rapponna.

MATIUS 3:10

Sadiami pangkulu' lanipata'banga ri poko' kayua sa'genna ri aka'-aka'na. Sikamma poko' kayu tenaya nabaji' rapponna lanita'bangi nampa nipela' antama' ri pepeka.

MATIUS 6:30

Anjo ruku'-ruku' niaka ri paranga, attimboi anne alloa nammuko lanitunui sa'genna cappu'. Mingka manna nakamma, nipipakei tonji ri Allata'ala anjo ruku'-rukuka sa'genna ga'ga nicini'. Jari la'biangampa pole ikau! Tena tanipipakeinu! Mingka sayanna kakurang tappakko!

MARKUS 4:28

Iaminjo buttaya napattimboi sa'genna appa'nia' wassele': uru-uruna tangkenna, nampa bulere'na sa'genna rapponna.

1 KORINTUS 15:38

KalenNa Allata'ala lampa'jari antekamma tanja'na punna attimbo anjo lamunganga, situru' ri apa Nakanaya baji' mae ri anjo lamunganga. Anjo sikammaya rupanna bine, massing nia' tanja'na punna attimbo sallang.

IBRANI 6:7

Anjo butta masarroa annarima je'ne' bosi, nampa angngerang wassele' lamung-lamung kabajikang mae ri tau akkaresoa, Nabarakkaki Allata'ala.

YAKOBUS 3:12

Anjo poko' araya, sari'battangku ngaseng, takkulleai a'jari zaitun rapponna; kammayatompa anjo poko' anggoroka takkulleai a'jari la'ba je'ne'na.