OBAJA 1:3 - KITTA' MATANGKASA'

³ Nitipuko ri atinnu tampoa. Ibukotanu iamintu moncong batu makassa'; tampa' pammantangannu iratei ri coppo'na moncong tinggia. Lanri kammana anjo nakanamo pikkirannu, ‘Inai todong lakkulle antu'gurangki'?’

OBAJA 1:3 Iomraidhean Croise

PA'JARIANG 36:8

Jari anjo Esau niarenga todong Edom, ammantammi ri Daera Monconna Seir.

2 KARAENG-KARAENG 14:7

Lalang se'reang pa'bundukang nia' 10.000 tantara Edom le'ba' nabuno Amazia ri lappara' ka'bung niarenga Asin, siagang naempoi kota niarenga Sela. Anjo kotaya nasambei arenna nampa naareng kota Yokteel. Sa'genna kamma-kamma anne tuli niarenna Yokteel anjo kotaya.

2 PATTOTTORANG 25:11

Napa'baraniammi kalenna Amazia nampa napimping tantarana mange ri ka'bung lappara' niarenga Ka'bung Asin. Anjoremmi ke'nanga a'bundu', na nia' 10.000 jaina tantara Edom nabuno ke'nanga.

2 PATTOTTORANG 25:12

Nia' 10.000 tau maraengannaya natahang. Naerangi anjo ke'nanga nai' ri coppo'na moncong batua ri kota Sela nampa napasambila kabusu' naung sa'genna mate.

AYUB 20:6

Manna pole narapi' langika kalompoanna, sa'genna nabuttu' ulunna rammanga,

PANGNGEBARANG 16:18

Kaborroanga angngerangi kapanrakang; katampoanga angngerangi karuntungang.

PANGNGEBARANG 18:12

Tau tampoa latu'guruki, tau tuna pa'maika lanipakalompoi.

PANGNGEBARANG 29:23

Tau tampoa lanipakatunai; tau tuna pa'maika lanipuji.

YESAYA 16:6

Nakanamo bansa Yehuda, “Nalangngere'mi ikambe antekamma kaborroanna bansa Moab. Naassengi ikambe angkanaya anjo ke'nanga tampoi siagang tinggi langgai. Bicaranna ke'nanga sangnging bicara kosong, tena bonena.”

YEREMIA 21:13

Nampa Nakana Batara mae ri Yerusalem, “He Yerusalem! La'bi tinggiangngangi pa'dongkokannu nasikamma ka'bung lappara' niaka ri tammulilinu. Sangkammako bulu' batu ammenteng tinggia' nai' ri parang lapparaka, mingka iNakke langngewako. Nukana kalennu angkana tena manna sitau akkulle ambundukiko yareka anrumbangi tembo'-tembo' pattahangannu,

YEREMIA 37:9

INakke, Batara, ampakaingakko, sollanna tena nanutipu kalennu lanri nupikkiri'na angkanaya a'lampami tu Babel siagang tenamo nalammotere'. Nasaba' ma'nassa lammotereki ke'nanga.

YEREMIA 48:28

Ikau pandudu'na Moab, bokoimi kota-kotanu siagang mange mako ammantang ri bulu'-bulu' batua rapang jangang-jangang bodobangkeng appareka ru'mung ri tubirika.

YEREMIA 49:16

Lanitipuko ri katampoannu. Tena lamalla' ri kau kamma nukapanga. Ammantangko ri alla'-alla'na batua, bella ri coppo'na monconga. Mingka, manna pole nupare' balla'nu ri tampa' tinggi dudua, sangkamma tinggina ru'munna jangang-jangang rajawalia, mingka laNapanaungko Batara battu anjoreng. Batara ampaui yangasenna anjo.”

YEREMIA 49:4

He ikau tenaya numajarre' ri pa'mai'! Angngapa nukalompoang pa'maiki sikamma lappara'nu copponga? Apa saba'na nupattoang kammai kakalumanynyangngannu? Antekamma olonu lakkulle angkana tena manna sitau labarani ambundukiko?

YEHEZKIEL 28:16

Tenamo sawenu napakamma a'balu-balu', siagang iaminjo angngerangko mange ri katerassanga siagang dosaya. Jari kubongka mako battu ri bulu' matangkasakKu, siagang malaeka' pajaganu angngembako battu ri tangnga-tangngana anjo paramata accillaka.

MALEAKHI 1:4

Ebara' angkana anjo jari-jarina Esau, iamintu tu Edom angkanai, “Le'ba'mi niancuru' kota-kotana ikambe, mingka lanabangungi ikambe ammotere',” lappialimi Batara angkana, “Akkullei nabangung ke'nanga ammotere', mingka laKurumbangi. Laniarengi ke'nanga ‘Pa'rasangang Bassung’ siagang ‘Bansa natabaia pangngalarroinNa Batara sa'genna satunggu-tungguna.’ ”