NEHEMIA 9:5 - KITTA' MATANGKASA'

⁵ Passambayanganga anjo alloa napakaramulai tu Lewi, iamintu: Yesua, Kadmiel, Bani, Hasabneya, Serebya, Hodia, Sebanya, siagang Petahya. Nakana ke'nanga, “Ammentengko nampa nipuji Karaeng Allata'alata! Mammujiko mae ri Ia sa'genna satunggu-tungguna! Nipujimi arenNa sukkuka ri kala'birang, hebaki arenNa, la'biangngangi nasikontu pammujia!”

NEHEMIA 9:5 Iomraidhean Croise

1 KARAENG-KARAENG 8:14

Le'baki appala' doang, assailemi Karaeng Salomo mae ri sikontu ra'yaka, ia niaka ammenteng anjoreng, nampa napappalakkang barakka' ke'nanga battu ri Allata'ala.

1 KARAENG-KARAENG 8:15

Nakana, “Riolo le'ba' maKi' a'janji Batara, mae ri manggeku Daud angkanaya, ‘Baku' Kueranna ummakKu assulu' battu ri Mesir, ri sikontu pa'rasangang Israel tena manna se're kota Kupile a'jari tampa' untu' musti nibangungi balla' untu' a'jari tampa' passambayangang mae ri Nakke. Mingka ikau Daud, Kupileko untu' ammarenta ri ummakKu.’ Nipujimi Karaeng Allata'alana Israel, Ia le'baka anrupai anjo janjinNa!”

1 KARAENG-KARAENG 8:22

Le'baki anjo, ri dallekanna ra'ya' niaka hadere', ammentemmi Salomo a'dalle' mae ri tampa' pakkoro'bangnganga, nampa naangka' rua-rua limanna,

1 KARAENG-KARAENG 8:27

Mingka, o Allata'ala, maka attojeng-tojengKi' larella ammantang ri anne buttaya? Manna sikontu langika taganna' luara'na untu' iKatte, la'biangampa naanne balla' kubangunga!

1 PATTOTTORANG 16:36

Puji Batara, Allata'alana Israel, anne kamma na satunggu-tungguna! Nampa akkanamo umma' Israel, “Aming”. Le'baki anjo mammuji-mujimi ke'nanga mae ri Batara.

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

1 PATTOTTORANG 29:13

Kamma-kamma anne, o Allata'alana ikambe, appala' sukkuruki ikambe mae ri Katte, siagang mammuji ikambe ri areng mala'biritTa.

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

2 PATTOTTORANG 20:13

Lalanna anjo wattua sikontu tu bura'ne Yehuda siagang massing tubai'-bainena kammayatompa ana'-ana'na ke'nanga ammentengi ri Balla'Na Batara.

2 PATTOTTORANG 20:19

Nampa sikamma tu Lewi battua ri pa'lokoang bijanna Kehat siagang Korah ammenteng kabusuki, akkio' rannu mammuji ri Batara, Allata'alana Israel.

EZRA 3:11

Akkelongi ra'yaka kelong-kelong pammuji mae ri Batara, na napa'mole-mole nakelongang bageang kelong kala'busanga angkana, “Anjo Batara mabajiki; satunggu-tungguna pangngamaseanna mae ri Israel.” Sikontu ra'yaka amminawangi akkiok-kio' ma'rannu-rannu siagang mammuji ri Batara, lanri nipadongko'mi batu pundasina Balla'Na Batara ri Yerusalem.

NEHEMIA 9:4

Anjoreng nia' podiung untu' tu Lewi nampa ammentemmo rate Yesua, Bani, Kadmiel, Sebanya, Buni, Serebya, Bani siagang Kenani. Assa'ra lompomi ke'nanga appala' doang mae ri Karaeng Allata'alana ke'nanga.

NEHEMIA 9:6

Nampa appala' doammo ra'ya' Israel kamma anne, “IKattemi Batara, iKattemi tena ruanTa; Kipa'jari bintoenga na sikontu langika, kammayatompa tamparang, butta siagang sikontu bonena, nampa Kisare katallassang siagang Kiparakai. Ri Kattemi anynyomba sikamma koasaya ri langi'; akkulantuki ke'nanga, tundu' mae ri Katte.

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

PAMMUJI 106:2

Inai akkulle angkabarrangi kaporeanNa Batara, siagang assare pammuji siratanga mae ri Ia?

PAMMUJI 134:1

Kelong siara. Umba, pujimi Batara, he sikontu atanNa Batara, sikontu a'gau' ibadaya ri Balla'Na Batara ri wattu bangngi.

PAMMUJI 145:2

Allo-alloku ero' appala' sukkuru' mae ri Katte, siagang kupakala'birikKi' satunggu-tungguna.

PAMMUJI 145:5

Lanabirittakangi kalompoanTa siagang kala'biranTa, bate pare' malompoTa lakunawa-nawai.

PAMMUJI 146:2

Erokka' mammuji ri Batara lalang tallasakku siagang makkelong ri Allata'ala lalang niakku ija.

PAMMUJI 16:2

Kukana, “IKattemi Bataraku, kate'neangku, tenamo la'biangngang naiKatte!”

PAMMUJI 66:2

Akkelongko siagang pakalompoi arenNa, pakala'biriki siagang kelong-kelong pammuji.

PAMMUJI 99:3

Boli'mi kamma mammuji ke'nanga ri areng mala'biri'Na. Iami matangkasa'!

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

KALAPPASSANG 15:6

Tamaka mappakalannasa'na kagassinganTa, o Batara, Kipaccappuki musunTa tasimbung-simbung.

DANIEL 2:20

nakana, “Anjo Allata'ala cara'deki na pore, nipujimi arenNa satunggu-tungguna!

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

PAOLE 28:58

Punna tena namajarre' pa'mai'nu anturuki sikontu hukkunNa Karaeng Allata'alanu niaka tattulisi' lalang ri anne kittaka, siagang tena nupakala'biriki Karaeng Allata'alanu mala'birika siagang mappakalannasaka,

1 PETRUS 1:3

Maeko nakiappala' sukkuru' mae ri Allata'ala, ManggeNa Batarata Isa Almasi! Sanna' mangngamaseanNa mae ri katte; lanri kammanami anjo naNasare maki' katallassang beru. Carana iamintu, Napattallasa' poleangi ammotere' Isa Almasi battu ri kamateanga. Iaminne assareki' panrannuang attantua.

HAKING-HAKING 13:18

Akkuta'nammi malaeka'Na Batara angkana, “Apa saba'na nuero' angngassengi arengku? Anjo arengku appakkalannasaki.”