NEHEMIA 9:30 - KITTA' MATANGKASA'

³⁰ Attaung-taungKi' sa'bara' ampakaingaki; tete ri sikamma na'bia, nama'bicara RohTa ri ke'nanga. Mingka natongkoki tolinna ummatTa, jari Kipassareammi ke'nanga mae ri bansa-bansa sikamma pa'rasangang.

NEHEMIA 9:30 Iomraidhean Croise

2 KARAENG-KARAENG 18:11

Nampa naengka' karaeng Asyur tu Israel salaku tunitahang mange ri Asyur; sipa'gang battu ri ke'nanga nipamantangi ri kota Halah, sipa'gang ri ampi'na Binanga Habor ri daera Gozan, na sipa'gang pole ri kota-kota niaka ri pa'rasangang Madai.

2 KARAENG-KARAENG 21:10

Lanri kammana anjo, tete ri sikamma na'bia, ata-atanNa Batara, Nakanamo Batara,

2 PATTOTTORANG 24:19

Assuromi Batara na'bi-na'bi untu' ampakaingaki ke'nanga sollanna ammotere' anynyomba mae ri Batara; mingka taerokai ra'yaka mappilangngeri.

EZRA 9:10

Mingka kamma-kamma anne o Karaeng Allata'ala, ri le'ba'na ngasemmo kajarianga, apami lakkulle nakana ikambe? Le'ba'mi pole nabalang parekang ikambe sikamma parentaTa,

NEHEMIA 9:20

Lalang koasa mabajitTa Kiajara' ke'nanga. Angnganrei manna siagang angnginung ke'nanga siganna'na.

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

NEHEMIA 9:29

Kipakaingaki ke'nanga sollanna naturuki pangngajaratTa, mingka borroi ke'nanga na natolla' hukkunTa. Nama'nassana, punna nigaukang hukkunTa, mattantu lanikatutui katallassanga. Kapala batui na terasa' nyawa ke'nanga, taeroka mappilangngeri, taeroka mannuruki.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

PAMMUJI 95:10

Patampulo taungA' ero' ta'langnge anciniki ke'nanga; Kukana: Tamaka tamattantuna nyawana anjo bansaya! Tanajampangiai ke'nanga parenta-parentaKu.

YESAYA 28:10

Angngapa naia langngajarakki' tasse're-se're hurupu', tassibuku-tassibuku kana, kammayatompa tassilampang-tassilampang bicara.”

YESAYA 42:24

Inai ampassareangi Israel untu' nirampasa'? Sai KalenNa tonji Batara? Ri Ia maki' doraka, tena nittallasa' situru' parentaNa, siagang tena nimannuruki ri ajaranNa.

YESAYA 48:9

Kuparrangngi larroKu sollanna nipa'la'bang arengKu. Kutahangi untu' ikau, sollanna tena nipanrakiko.

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.

YEREMIA 25:4

Tulusu' Nasurona todong Batara sikamma na'bia atanNa mae ri kau ngaseng, mingka teako ampilangngeri siagang amparhatikangi ke'nanga.

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

YEREMIA 44:4

Tulusu' Kusuroi battu ata-atangKu sikamma na'bia mae ri kau, ampisangkaiko anggaukangi anjo kaja'dallang tenaya Kungai.

YEREMIA 44:5

Mingka taerokako mappilangngeri siagang taerokako amparhatikangi. Taerokako ammari anggaukangi kaja'dallanga, iamintu assare koro'bang mae ri rewata-rewataya.

YEREMIA 7:25

Baku' assulu'na boe-boenu battu ri Mesir sa'genna anne alloa tuli nia' Kusuro ata-atangKu, sikamma na'bia, battu mae ri kau.

PIRAUNG 2:17

Nagaukammi pa'gammara'Na Batara apa le'baka Narancana riolo na Napappakaingakkang mae ri katte. Tamammaling-malimmi angngancurukki', Nasarei musua pammetang. Napa'jari rannui ke'nanga anciniki katu'guranta.

DANIEL 9:6

Tena namappilangngeri ikambe mae ri na'bi-na'bia, iamintu ata-atanTa, le'baka a'bicara lalang arenTa mae ri sikamma karaenna ikambe, mae ri sikamma pamimpinna ikambe, mae ri boe-boena ikambe kammayatompa mae ri sikontu bansana ikambe.

ZAKHARIA 7:12

Napatterassangi atinna ke'nanga sa'genna a'jari sanrapang batu terasa'na. Teai sipato' larroKu lanri tenana naero' ke'nanga mannuruki ri ajarang-ajarang le'baka Kupassareang mae ri ke'nanga tete ri sikamma na'bia riolo.

ZAKHARIA 7:13

Tena naKupiali pappala' doanna ke'nanga, lanri tenana todong namappilangngeri ke'nanga ri wattungKu a'bicara.

PAMMILANGNGANG 11:26

Nia' rua tau battu ri anjo tujupuloa pamimping, iamintu Eldad siagang Medad, ammantang ri pakkemaanga siagang tena na'lampa siagang aganna maraenga mange ri KemaNa Batara. Anjoreng ri pakkemaanga naummi RohNa Batara mae ri ke'nanga, sa'genna appakkaramulamo anjo tau ruaya a'gora-gora sangkamma na'bi.

LAMPA-LAMPANA 13:18

Sa'baraki Allata'ala anciniki gau'-gau'na ke'nanga ri wattunna a'jappa ke'nanga patampulo taung sallona ri parang lompoa.

LAMPA-LAMPANA 28:25

Ri wattunna a'lampa ngasemmo ke'nanga ambokoi anjo tampaka massing sisalami panggappana ke'nanga. Nasaba' nakana Paulus mae ri ke'nanga, “Memang annaba sikali apa le'baka Napau RohNa Allata'ala lalang ri Na'bi Yesaya mae ri boe-boenu!

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

ROMA 2:4

Yareka nucapaki pangngamaseanNa siagang kabajikanNa kammayatompa kalompoanNa Allata'ala? Mattantu nuassengi angkanaya iaji naNapappicinikang kabajikang pa'mai'Na Allata'ala, lanri nakellainu ngaseng toba' ri dosa-dosanu.

1 PETRUS 1:11

Nasalidikimi ke'nanga angkanaya antekamma siagang ringngapanna nalakajariang anjo passalaka, iamintu Napakkanaya RohNa Almasi niaka lalang ri kalenna ke'nanga. Anjo wattua napau la'bi riolomi RohNa Almasi mae ri ke'nanga passala'na kasessang laNakasiaka Almasi siagang kala'biranNa la'nyataya ribokoanganna anjo.

2 PETRUS 1:21

Nasaba' tale'bakai nia' tau angkana battu ri ero' kalenna nakkulle napabattu biritta battua ri Allata'ala ri passala'na anjo apa-apa lakajarianga. Yangasenna anjo taua nikoasai ri Roh KalenNa Allata'ala ri wattunna Napabattu anjo biritta battua ri Allata'ala.

2 PETRUS 3:9

Tena nasallo Batara nampa Napassareang apa Napa'janjianga, manna pole nania' tau sala pahang kamma anjo. Mingka sa'baraki mae ri kau, nasaba' taNapa'biangako nia' panra' manna pole sitau. Eroki sollanna toba' ngaseng taua battu ri dosa-dosaya.