NEHEMIA 9:24 - KITTA' MATANGKASA'

²⁴ Turunganna ke'nanga nabetai butta Kanaan; Kipatunduki pandudu' niaka anjoreng. Kisarei koasa ummatTa angngalle tindakang situru' ero'na ri bansa-bansa Kanaan siagang sikamma karaenna.

NEHEMIA 9:24 Iomraidhean Croise

1 PATTOTTORANG 22:18

Nakana, “Le'ba' mako Natulung Karaeng Allata'alanu, siagang Nasareko kasiamakkang kammayatompa kasannangngang ri sikontu pa'rasangang. Nasarema' pakkulle untu' ambetai sikontu bansa niaka riolo ammantang ri anne pa'rasanganga. Kamma-kamma anne tundu'mi ke'nanga ri kau siagang mae ri Batara.

ESTER 9:5

Kammaminjo nakkullemo tu Yahudia a'gau' paero'-ero'na ke'nanga mange ri musunna. Nabundukimi ke'nanga siagang pa'dang nampa nabuno.

PAMMILANGNGANG 14:31

Le'baki nupau angkanaya lanijakkalaki ana'-ana'nu. Mingka iami anjo ke'nanga laKuerang antama' ri anjo pa'rasangang nutollaka, nampa anjo pa'rasanganga la'jari butta passolongang cera'nami ke'nanga.

2 TIMOTIUS 2:26

Lalang kammana anjo, akkullemi angngu'rangi ammotere' ke'nanga, siagang ta'lappasa'mi battu ri sikko'na Billisika, ia angngalleai pangngainna ke'nanga siagang ampassayai ke'nanga anturukiangi ero'na.

YOSUA 10:40

Sikontu anjo pa'rasanganga nibeta ngasemmi ri Yosua. Nabetai anjo sikamma karaenga ri daera pa'monconganga, ri pungku'na bulu'-bulu' irayaya, ri bangkenna moncong-moncong bageang ilauka, kammayatompa ri parang-parang bageang timboroka. Tena manna sitau nalappassang attallasa'; nibuno kabusuki. Anjo kammaya situruki parenta battua ri Batara, Allata'alana Israel.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

YOSUA 21:43

Kammaminjo naNapassareammo Batara mae ri umma' Israel sikontu butta le'baka Napa'janjiang siagang sumpa mae ri boe-boena ke'nanga. Napantamakkinnamo ke'nanga anjo pa'rasanganga, ammantang tulimi umma' Israel anjoreng.

YOSUA 21:45

Narupai sikamma janjinNa Batara mae ri umma' Israel; tena manna se're taNarupai.

HAKING-HAKING 4:23

Anjo alloa nisaremi pammetang tu Israelka mae ri Yabin, karaeng Kanaan.