NEHEMIA 9:13 - KITTA' MATANGKASA'

¹³ Kipaturung battu ri langi' mae ri tompo'na Moncong Sinai, Kinampa a'bicara siagang umma' kalenTa. Kisarei hukkung, atorang siagang parenta adeleka, tojenga siagang a'matu-matua.

NEHEMIA 9:13 Iomraidhean Croise

2 KARAENG-KARAENG 17:37

Tuli mannurukiko ri hukkung-hukkungKu siagang parenta-parenta le'baka Kutulisi' untu' ikau. Teako anynyombai mae ri rewata-rewata maraenga,

EZRA 7:6

Anjo Ezra tau tinggi pangngassenganna siagang jai pangngassenna ri sesena Hukkung Napassareanga Batara, Allata'alana Israel mae ri Musa. Lanri nibarakkakinna Ezra ri Karaeng Allata'alana, jari nisareammi ri karaenga sikamma napalaka. Ri taung makatuju wattu pamarentahanna Karaeng Artahsasta, a'lampami Ezra battu ri Babel mange ri Yerusalem siagang se're rombongang tu Israel; siapa are imang, tu Lewi, pakelong, pajaga pakke'bu' lompona Balla'Na Batara ri Yerusalem, siagang sikamma pajama-jamaya.

PAMMUJI 119:137

IKatte adelekKi', o Batara, sikontu hukkunTa annaba sikali.

PAMMUJI 119:160

Annabai sikontu kananTa, sikontu hukkunTa adeleki satunggu-tungguna.

PAMMUJI 119:4

Kisarei ikambe hukkunTa, o, Batara, sollanna nagaukang ikambe siagang pa'mai' tamamminra.

KALAPPASSANG 16:23

Nakanamo Musa mae ri ke'nanga, “Iaminne parentaNa Batara: Ammuko iamintu allo le'ba' nisa'la' untu' ammari-mari, allo Pammari-mariang, allo nisa'laka nanipassareang mae ri Batara. Apa eroka nulangga anne alloa, langga memammi, siagang apa eroka nupallu, pallu memammi. Apa la'bia untu' kaparalluang anne alloa, sa'laki siagang boliki untu' ammuko.”

KALAPPASSANG 19:11

Ammembara' musti sadia ngasemmi ke'nanga. Ri anjo alloa lanaungA' ri coppo'na Moncong Sinai, tampa' akkullea nacini' ngasengA' taua.

KALAPPASSANG 20:1

Nampa a'bicaramo Allata'ala angkana,

KALAPPASSANG 20:22

Naparentakangi Batara mae ri Musa sollanna napabattu mae ri bansa Israel angkana, “Nucini' ngasemmi antekamma iNakke, Batara, a'bicara mae ri kau battu rate ri langika.

YESAYA 64:1

Kikekke'mi langika nampa naung maKi', o Batara, Kipa'goccammi sikamma monconga ri dallekanTa,

YESAYA 64:3

Le'baki Kigaukang gau' malompoa, tenaya nasanna-sannai ikambe. NaungKi', nampa ta'goccang sikamma monconga ri dallekanTa.

HABAKUK 3:3

IKatte Allata'ala Kaminang Matangkasa' battu ri Téman, iKatte battu ri pa'monconganna Paran. Langika nikalimbuki ri kalompoanTa; buttaya rassi siagang pammuji mae ri Katte.

ROMA 7:16

Jari, punna ia anjo apa-apa sisalaya siagang erokku kugaukang, battuanna kumangakuimi angkanaya annabai anjo hukkung-hukkung agama Yahudia.

PAOLE 33:2

“Niaki Batara battu ri Moncong Sinai; ammumba ri tompo'na Edom rapang allo. Battu ri Moncong Parangi ammumba untu' ansingari bansaNa. Nirurungang ri sampulo sa'bu malaeka'; a'rinra pepeka ri sa'ri kananNa kamma kila'.

PAOLE 4:33

Le'bakika nia' bansa akkulle iji attallasa' baku' le'ba'na nalangngere' angkanaya nia' allata'ala a'bicara mae ri ke'nanga battu lalang ri pepeka, sangkamma le'baka nukasia'?

PAOLE 4:36

Battu rate ri langika Napappilangngerang sa'ranNa mae ri kau untu' angngajarakko; ri anne linoa Napappicinikammi mae ri kau pepe' malompoNa, siagang battu lalangi ri anjo pepeka a'bicara mae ri kau.

PAOLE 4:8

Bansa lompo kereanga nia' hukkung-hukkung adele' kammaya, sangkamma hukkung-hukkung kupangngajarranga mae ri kau ngaseng anne alloa?

PAOLE 5:4

Battu lalang ri pepeka irate ri anjo monconga ero' Batara a'bicara KalenNa siagang ikau ngaseng.