NEHEMIA 9:1 - KITTA' MATANGKASA'

^1-2 Ri tanggala' ruampulo angngappa' anjo todong bulanga, a'rappungammi ra'ya' Israel. Appuasai ke'nanga untu' pammatei ri assesse' lalanna lanri dosa-dosana ke'nanga. Nasa'la'mi kalenna ke'nanga battu ri bansa-bansa maraenga. Untu' a'jari pammatei ri si'nana pa'mai'na ke'nanga, ammakemi ke'nanga kaeng karung siagang nakiorimi butta ulunna ke'nanga. Nampa ammenteng siagang namangakui dosana ke'nanga siagang dosana boe-boena ke'nanga.

NEHEMIA 9:1 Iomraidhean Croise

2 SAMUEL 1:2

Ammukona, nia'mo se're tu rungka battu ri pakkemaanna Saul. Salaku pammatei angkanaya susa kamateangi, nakekke'mi pakeanna siagang naboneimi butta ulunna. A'lampai mange ri Daud nampa su'ju' ri dallekanna.

2 PATTOTTORANG 20:3

A'jari malla'mi Yosafat nampa appala' doang untu' appala' pangngunju' battu ri Batara. Nampa naparentakang sollanna appuasa kabusu' sikontu ra'yaka.

2 PATTOTTORANG 7:10

nampa ammukona ri tanggala' 23 bulang 7, nasuromi Salomo ammotere' anjo taua. Rannu kabusuki taua mae ri anjo sikontu kabajikang Nagaukanga Batara mae ri bansa Israel umma'Na, mae ri Daud, kammayatompa mae ri Salomo.

EZRA 8:21

Nampa kupa'la'bammo kupau anjoreng ri biring Binanga Ahawa angkana sikontu taua musti appuasai siagang napakatunai kalenna ri dallekanNa Allata'ala. Appala' doammi ikambe sollanna nipimping ikambe ri Allata'ala lalang ri anjo pa'jappanga, siagang Najagai ikambe, ana'-ana'na ikambe, siagang sikontu barang-baranna ikambe.

EZRA 8:23

Jari appuasami ikambe siagang appala' doammi ikambe mae ri Allata'ala appala' pannulung sollanna Najagai ikambe; na Napilangngerimo pappala' doanna ikambe.

NEHEMIA 8:2

Nampa naerammo Ezra anjo kittaka mae ri dallekanna anjo pa'rappungang tau jaia, iamintu bura'ne, baine siagang ana'-ana' anggannakamo umuru'na untu' akkulle ampahangi.

ESTER 4:16

“Passe'rei sikontu tu Yahudi niaka ri kota Susan untu' ampappala' doanganga'. Teako angnganrei siagang teako angnginungi lalang tallungallo tallumbangngi. Inakke kalengku siagang sikamma tulolo palayangku lappuasa ngaseng tonga'. Le'baki anjo, erokka' mange andallekang ri karaenga, manna nakudakkai undang-undanga. Punna padeng musti matea' passabakkang anjo, boli'mi kamma nakumate!”

ESTER 4:3

Kammayatompa ri sikontu daera propinsia, appiraung ngasemmi nalangngere'na nipa'la'bang parentana karaenga. Appuasami ke'nanga, angngarru' siagang akkunrareng, siagang jaimi ri ke'nanga ammake kaeng karung siagang attinro rate ri aua.

AYUB 2:12

Mingka nacini' battu bellana ija ke'nanga anjo Ayub, sike'de' mami ke'nanga natanarupaya anjo Ayub. Angngarru' lompomi ke'nanga siagang nakekkeki pakeanna kammayatompa appasimbummi limbu'bu' nai' ri allaka siagang nai' ri ulunna ke'nanga.

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

YO"EL 2:12

Nakana Batara, “Mingka kamma-kamma anne, pakkalepumi atinnu ammotere' mae ri Nakke, nuppuasa, appiraung siagang angngarru'.

KAIMANGNGANG 23:39

Ri le'ba'na pakkattoanga, appakkaramula ri tanggala' sampulo allima bulang tuju, musti nugaukangi passua'-suarranga lalang tuju allo. Allo makase'rea siagang makasagantujua iamintu allo le'ba' nisa'la' untu' pammari-mariang.

YOSUA 7:6

Sanna'mi si'nana pa'mai'na Yosua siagang sikamma pamimping umma'na Israel sa'genna nakekke'-kekke' pakeanna ke'nanga, siagang su'ju'mi ke'nanga sila'busu' allo ri dallekanna Patti ParjanjianNa Batara; nasareimi au ulunna ke'nanga salaku pammatei ri si'nana pa'mai'na ke'nanga.

PAPPICINI' 11:3

LaKusuroi rua sa'bingKu ammakeang tau kamateanga, na lanapa'la'bang biritta battua ri Allata'ala 1260 allo sallona.”

HAKING-HAKING 20:26

Jari a'lampami pole umma' Israel mange ri Betel nampa angngarru' mae ri Batara. Anjoreng appuasai ke'nanga sa'genna bangngi siagang assarei koro'bang passiamakkang na koro'bang nitunu mae ri Batara.

1 SAMUEL 4:12

Nia' sitau battu ri suku Benyamin lari battu ri tampa' pa'bundukanga mange ri Silo, na battu mange anjoreng ia memang anjo alloa. Untu' a'jari pammatei ri susana, nakekke'-kekke'mi care-carena na naboli' ri ulunna.

1 SAMUEL 7:6

A'rappungang ngasemmi ke'nanga ri Mizpa. Anynye'ro'mi ke'nanga je'ne' nampa napatiri' salaku passare mae ri Batara, nampa appuasa ke'nanga siallo kabusu', anjo alloa. Nakanamo ke'nanga, “Dorakami ikambe mae ri Batara.” (Anjoremmi ri anjo Mizpa napakaramulai Samuel ampakabajiki sikamma parkara passisala-pasalanga ri tu Israel.)