NEHEMIA 8:7 - KITTA' MATANGKASA'

⁷ Le'baki anjo ambangummi nai' nampa massing ammenteng ngaseng ke'nanga ri tampa'na, nampa lalanna anjo nia'mo siapa are jaina tu Lewi ampakasingaraki battuanna anjo Hukkunga mae ri ke'nanga. Sikamma anjo tu Lewia iamintu: Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan, siagang Pelaya.

NEHEMIA 8:7 Iomraidhean Croise

1 KARAENG-KARAENG 8:14

Le'baki appala' doang, assailemi Karaeng Salomo mae ri sikontu ra'yaka, ia niaka ammenteng anjoreng, nampa napappalakkang barakka' ke'nanga battu ri Allata'ala.

2 PATTOTTORANG 30:22

Teai sipato' cara'de'na anjo tu Lewia ampimpingi anjo panynyombanga mae ri Batara, sa'genna nipalece ke'nanga ri Hizkia. Le'baki tuju allo sallona ke'nanga angkasiaki kanre-kanreang battua ri anjo passua'-suarranga kammayatompa ampassareangi koro'banga untu' appala' sukkuru' mae ri Batara, Allata'alana boe-boena ke'nanga,

2 PATTOTTORANG 35:3

Sikamma tu Lewi le'baka nitangkasi untu' Batara, siagang a'jari guru-gurua ri tu Israel anggappai parenta kamma anne battu ri Yosia, “Boliki anjo Patti Parjanjiang matangkasaka lalang ri Balla'Na Batara nabangunga Karaeng Salomo ana' bura'nena Daud. Tea' mako palesso'-lessoki pole ri batena. Layani Karaeng Allata'alanu siagang bansa Israel umma'Na.

EZRA 8:18

Lanri kabajikang pa'mai'Na Allata'ala, nakirimmi ke'nanga mae ri kambe iamintu Serebya, se're tu Lewi sannaka cara'de'na battu ri golongang Mahli. Nia' tommi naagang battu ana'-ana'na siagang siapa are sari'battanna. Yangasenna ke'nanga nia' 18 tau jaina.

NEHEMIA 10:2

Sikamma imanga Seraya, Azarya, Yeremia, Pasyhur, Amarya, Malkia, Hatus, Sebanya, Malukh, Harim, Meremot, Obaja, Daniel, Gineton, Barukh, Mesulam, Abia, Miyamin, Maazya, Bilgai siagang Semaya.

NEHEMIA 11:19

Sikamma pajaga pakke'bu' lompoa: Akub, Talmon, kammayatompa sikamma agang-aganna ke'nanga. Yangasenna ke'nanga nia' 172 tau jaina.

NEHEMIA 12:33

Siapa are imang a'jappa ri bokona ke'nanga annui' tarompe', iamintu: Azarya, Ezra, Mesulam, Yehuda, Benyamin, Semaya, siagang Yeremia. Nampa nipinawang ke'nanga ri Zakharia ana'na Yonatan, cucunna Semaya. Siapa area boe-boena ke'nanga iamintu: Matanya, Mikha, Zakur battu ri golongang Asaf.

NEHEMIA 3:17

Ia bageang-bageang tembo' kalli' maraengannaya nabangungi tu Lewi. Areng-arenna anjo tu Lewi anjamaya iamintu: Rehum ana'na Bani. Hasabya, ammarentaya ri bageruanna kacamatang Kehila: ia najamaya iamintu tembo' kalli' niaka ri kacamatanna todong. Binui ana'na Henadad, ammarentaya ri bageruanna kacamatang Kehila. Ezer ana'na Yesua, ammarentaya ri Mizpa: ia anjamai tembo' kalli' ri panyingkulu' aganga sa'genna ri dallekang pammolikang sanjataya. Barukh ana'na Zabai: ia anjamai tembo' kalli' appakkaramula ri panyingkulu' aganga sa'genna pakke'bu' balla'na Imang Lompo niarenga Elyasib. Meremot ana'na Uria siagang cucunna Hakos: ia anjamai tembo' kalli' appakkaramula ri pakke'bu'na Elyasib sa'genna cappa'na anjo ballaka.

NEHEMIA 8:12

Jari ammotere'mi sikontu ra'yaka untu' angnganre, angnginung, siagang a'bage-bage kanre mae ri tau maraenga. Rannumi pa'mai'na ke'nanga lanri napahammi battuanna anjo nalangngereka ke'nanga nibaca.

NEHEMIA 8:4

Ammentengi Ezra irate ri podiung kayu le'baka nipare' untu' kaparalluanna anjo pa'rappunganga. Ri sa'ri kananna ammentengi siapa are tau iamintu: Matica, Sema, Anaya, Uria, Hilkia, siagang Maaseya; nampa ri sa'ri kairinna ammentengi: Pedaya, Misael, Malkia, Hasum, Hasbadana, Zakharia siagang Mesulam.

NEHEMIA 8:6

Nakanamo Ezra, “Nipujimi Batara, Allata'ala malompoa!” Sikontu ra'yaka naangka' ngasemmi limanna tinggi-tinggi nampa appiali angkana, “Aming, aming!” Nampa su'ju' ke'nanga anynyomba ri Allata'ala.

NEHEMIA 8:8

Napalembai ke'nanga anjo HukkunNa Allata'ala massing-massing bageang bonena, sa'genna akkulle ra'yaka ampahangi anjo nibacaya.

NEHEMIA 9:3

Nia' kutadeng tallunjang sallona nibaca anjo Kitta' HukkunNa Batara, Allata'alana ke'nanga mae ri ke'nanga. Nampa nia' todong tallunjang ri bokona namangakui dosa-dosana ke'nanga. Le'baki anjo su'ju'mi ke'nanga anynyomba ri Batara, Allata'alana ke'nanga.

NEHEMIA 9:4

Anjoreng nia' podiung untu' tu Lewi nampa ammentemmo rate Yesua, Bani, Kadmiel, Sebanya, Buni, Serebya, Bani siagang Kenani. Assa'ra lompomi ke'nanga appala' doang mae ri Karaeng Allata'alana ke'nanga.

KAIMANGNGANG 10:11

Sikontu hukkung Kupassareanga tete ri Musa, musti nupangngajarrangi mae ri bansa Israel.”

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

PAOLE 33:10

Naajaraki ummatTa anturuki hukkunTa, siagang assare koro'bang irate ri tampa' pakkoro'bangnganTa.