NEHEMIA 8:16 - KITTA' MATANGKASA'

¹⁶ Jari a'lampami ra'yaka angngallei anjo tangke-tangke poko' kayua. Sikontuna ke'nanga appare'mi balla'-balla' massing ri lappara'na pattongko' balla'na ke'nanga, ri paranglakkeng balla'na, ri paranglakkeng dallekang Balla'Na Batara ri Yerusalem, ri parang ri ampi'na Pakke'bu' Lompo Je'ne', siagang ri parang ri ampi'na Pakke'bu' Lompo Efraim.

NEHEMIA 8:16 Iomraidhean Croise

2 SAMUEL 11:2

Ri se'reang karueng, ambangung tinrona Daud, a'jappa-jappai irate ri pattongko' lappara'na balla' kakaraenganga. Battu anjoreng nia'mo sitau baine sitabang a'je'ne', na teai sipato' ga'gana anjo bainea.

2 KARAENG-KARAENG 14:13

Nijakkala'mi Amazia ri Yoas, nampa a'lampa Yoas mange ri Yerusalem anruntungi tembo'na anjo kotaya kira-kira 200 metere' la'buna, appakkaramula battu ri Pakke'bu' Lompo Efraim sa'genna mange ri Pakke'bu' Lompo Panyingkulu'.

2 PATTOTTORANG 20:5

Siagammi ke'nanga tau niaka ri Yerusalem asse're ri paranglakkeng beru nibangunga ri Balla'Na Batara. Ammentemmi Karaeng Yosafat ri dallekanna ngaseng ke'nanga,

2 PATTOTTORANG 33:5

Anjoreng ri ruaya paranglakkeng Balla'Na Batara ambangungi tampa'-tampa' pakkoro'bangngang untu' anynyomba mae ri bintoeng-bintoenga.

NEHEMIA 12:37

Anrapiki mange ri Pakke'bu' Lompona Je'ne' Takkioroka, a'bilu'mi ke'nanga nampa angngambi' ri tuka' kotana Daud, ammalo ri balla' lompona Daud, nampa ammotere' mange ri tembo' ri Pakke'bu' Lompo Je'ne' ri bageang rayana kotaya.

NEHEMIA 12:39

Nampa ammalo ikambe ri Pakke'bu' Lompo Efraim, Pakke'bu' Lompo Salloa, Pakke'bu' Lompo Juku', Menara Hananeel siagang Menara Mea sa'genna ri Pakke'bu' Lompo Gimbala'. Ammantangi barisanna ikambe ri ampi'na Pakke'bu' Lompo Pa'jagaang ri ampi'na Balla'Na Batara ri Yerusalem.

NEHEMIA 8:1

Narapiki bulang tuju nia' ngasemmi tu Israelka ammantang tuli ri massing-massing kotana. Ri tanggala' se're anjo bulanga a'rappung ngasengi ke'nanga ri kota Yerusalem, ri paranglakkeng niaka ri dallekanna Pakke'bu' lompo Je'ne'. Napalaki ke'nanga sollanna naalle Imang Ezra Kitta' Hukkunga. Anjo Ezra se're tucara'de' ri passala'na Hukkung Napassareanga Batara mae ri Israel tete ri Musa.

NEHEMIA 8:3

Nampa appakaramula bari'basa' sa'genna tangngallo nabaca Ezra anjo kitta' Hukkunga mae ri ke'nanga. Na yangasenna ke'nanga mappilangngeri baji'mi.

YEREMIA 19:13

Sikontu balla' niaka ri Yerusalem siagang sikontu balla' karaenga ri Yehuda lanipa'jari rantasaki sangkamma Tofet; lanri irate ri tompo'na sikamma anjo ballaka le'ba'mi taua attunu dupa untu' rewata-rewata ri langi', siagang assare koro'bang anggoro' untu' rewata-rewata maraeng.”

YEREMIA 32:29

siagang lanatunui sa'genna la'busu' siagang ngaseng sikamma balla' napammantangngia tau ampakallarroA', lanri iratemi ri pattongko'na sikamma anjo ballaka attunu ke'nanga dupa untu' Rewata Baal, kammayatompa appatiri' anggoro' untu' napassareang mae ri rewata-rewataya.

PAOLE 22:8

Punna ambangungko balla', musti apparekko kalli' ri tammulilina biring pattongko'na anjo ballaka. Jari tena nanibattalliko punna nia' tau tu'guru' battu rate ri pattongko'na anjo ballaka sa'genna mate.