NEHEMIA 8:13 - KITTA' MATANGKASA'

¹³ Ammukona a'rappungammi sikamma kapala kaluargaya, sikamma imanga siagang tu Lewia, nampa a'lampa mange ri Ezra untu' ampilajari sikamma ajarang HukkunNa Batara.

NEHEMIA 8:13 Iomraidhean Croise

2 PATTOTTORANG 30:23

natappukimi ke'nanga untu' ansambungi pole anjo passua'-suarranga 7 allo pole sallona. Jari natambaimi pole nagaukang ke'nanga anjo passua'-suarranga, narannu ngaseng nyawana.

NEHEMIA 8:12

Jari ammotere'mi sikontu ra'yaka untu' angnganre, angnginung, siagang a'bage-bage kanre mae ri tau maraenga. Rannumi pa'mai'na ke'nanga lanri napahammi battuanna anjo nalangngereka ke'nanga nibaca.

NEHEMIA 8:14

Nagappami ke'nanga lalang ri anjo Hukkung Napassareanga Batara tete ri Musa, angkanaya Nasuroi Batara umma' Israelka ammantang lalang ri pa'balla'-ballakang untu' poro sinampekang, iamintu ilalang nisua'-suarrinna Balla'-balla' Leko' kayua.

PANGNGEBARANG 12:1

Tau mangngaia ri pangngassengang sannangi nyawana nipasaile; mingka tau tenaya nangai nipasaile iami tau dongo'.

LUKAS 24:32

Nakanamo massing para ia ke'nanga, “Sai sanna' memanji lompona nyawata, ri wattunna a'bicara siagang ikatte, siagang ri wattunna Napakasingara' bonena Kittaka ri katte ri tangngana aganga?”

LAMPA-LAMPANA 13:42

Ri wattunna lanabokoimo Paulus siagang Barnabas anjo balla' sambayanga, napala'mi taua sollanna battu pole ke'nanga punna allo Pammari-mariang poleang, nanapakasingara' baji' anjo passalaka.

LAMPA-LAMPANA 4:1

Lalang a'bicarana ija Petrus siagang Yohanes mae ri anjo taua ngaseng, battumi imang-imang kapalaya, komandang pajagaya ri Balla'Na Batara, kammayatompa tu Sadukia mae ri ke'nanga.