NEHEMIA 8:12 - KITTA' MATANGKASA'

¹² Jari ammotere'mi sikontu ra'yaka untu' angnganre, angnginung, siagang a'bage-bage kanre mae ri tau maraenga. Rannumi pa'mai'na ke'nanga lanri napahammi battuanna anjo nalangngereka ke'nanga nibaca.

NEHEMIA 8:12 Iomraidhean Croise

1 PATTOTTORANG 29:22

Anjo alloa angnganre angnginummi ke'nanga siagang rannu pa'mai' ri dallekanNa Batara. Nampa untu' makapinruanna nipa'la'bammi nipappiassengang angkanaya Salomo a'jari karaeng. Lalang arenNa Batara, napattantumi ke'nanga angkana Salomo a'jari karaenna ke'nanga siagang Zadok a'jari imang.

NEHEMIA 8:10

Kamma-kamma anne ammotere' mako; angnganre angnginung mako a'rannu-rannu. Passareangi sipa'gang kanrenu siagang anggoro'nu mae ri tau kakuranganga. Anne alloa, allo nipakatangkasa' untu' Batara, jari teako susai. Karannuang Napassareanga Batara lampakajarrekko.”

NEHEMIA 8:11

Kammayatompa sikamma tu Lewia napakasannammi anjo ra'yaka na'mole-mole angkana, “Teako si'nai pa'mai'nu ri anne allo nipakatangkasaka.”

NEHEMIA 8:13

Ammukona a'rappungammi sikamma kapala kaluargaya, sikamma imanga siagang tu Lewia, nampa a'lampa mange ri Ezra untu' ampilajari sikamma ajarang HukkunNa Batara.

ESTER 9:22

Nasaba' ri wattu iaminjo alloa nanabeta musu-musunna ke'nanga, sa'genna anjo si'nana siagang paccena ke'nanga amminrami a'jari karannuang siagang kasungguang. Lanri kammanami anjo namusti napakalompo ke'nanga anjo allo-alloa, iamintu assua'-suara', appare' parjamuang, kammayatompa massing sisarei ke'nanga kanre-kanreang siagang assarei ke'nanga passidakka ri tu kasi-asia.

AYUB 23:12

Sikamma parentaNa tuli kuturuki, Kupinawangi ero'Na, teai ero' kalengku.

PAMMUJI 119:111

ParentaTa iami pisakaku satunggu-tungguna, ampakarannui pa'maikku.

PAMMUJI 119:127

Kungai sikamma parentaTa la'biangngang na bulaeng, la'biangngang na bulaeng ti'noka.

PAMMUJI 119:130

Punna nipakasingaraki, angngerangi singara' ajaranTa, assarei pangngassengang mae ri tau biasaya.

PAMMUJI 119:14

Rannua' anturuki parenta-parentaTa, sanrapang kupatang ngaseng sikamma apa-apaya.

PAMMUJI 119:16

A'jari sannangi pa'maikku lanri katantuanTa; tena nalakukaluppai ajaranTa.

PAMMUJI 119:171

Erokka' tuli mammuji mae ri Katte, saba' iKatte angngajarakka' katantuanTa.

PAMMUJI 119:174

Nakkuki pa'maikku mae ri kasalamakkang battua ri Katte, hukkunTa ampakarannui pa'maikku.

PAMMUJI 119:72

Untu' inakke tinggiangangi anggaranna hukkunTa kala sikontu bulaenga siagang peraka ri lino.

PAMMUJI 119:97

Tamaka kungaina hukkunTa; kunawa-nawai sila'busu' allo.

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

LUKAS 24:32

Nakanamo massing para ia ke'nanga, “Sai sanna' memanji lompona nyawata, ri wattunna a'bicara siagang ikatte, siagang ri wattunna Napakasingara' bonena Kittaka ri katte ri tangngana aganga?”

ROMA 7:18

Kuassemmi angkanaya tena sikalimo apa-apa baji' lalang ri batangkalengku, iamintu lalang ri sipa'-sipa' rupatauku. Nasaba' nia' erokku anggaukangi kabajikanga, mingka takkullea' anggaukangi.

PAPPICINI' 11:10

Lamarannui tuma'buttaya ri lino lanri matena anjo ruaya sa'bi. Lassua'-suaraki ke'nanga siagang massing lasikiringi ke'nanga hadia, lanri iaminjo ruaya na'bi le'ba' angngerang passessa mae ri sikontu rupataua ri lino.