NEHEMIA 6:4 - KITTA' MATANGKASA'

⁴ Sa'genna pingngappa' ke'nanga akkiring undangang sangkammaya riolo mae ri nakke, mingka tuli kubalasa' tongi sangkamma riolo.

NEHEMIA 6:4 Iomraidhean Croise

NEHEMIA 6:3

Jari kubalasa'mi undanganna ke'nanga angkana, “Takkullea' battu saba' nia' jama-jamangku parallu. Tanjariai anjo jama-jamanga punna kubokoi untu' angngagangko sicini'.”

NEHEMIA 6:5

Ri makapillimana nia'mo sitau ana' buana Sanbalat battu angngerang sura' tassungke.

PANGNGEBARANG 14:15

Tau dongoka tappaki mae ri sikontu bicaraya, tau cara'deka tutui ri panggaukang.

PANGNGEBARANG 7:21

Kammaminjo batena anjo bainea angngodoki anjo tau rungkaya siagang kana-kana panynyonyo' angngontaka, sa'genna nigodamo anjo lapung tau rungka.

LUKAS 18:5

mingka lanri tuli naricuingku anne jandaya, bajikangangi punna kusare ammeta lalang ri kara-karana. Kapunna tena, tuli labattui ansusaia'.’ ”

1 KORINTUS 15:58

Lanri kammana, sari'battangku ngaseng sannaka kukamaseanna, pakkassakangi siagang pakajarreki kalennu. Attojeng-tojeng mako tuli anjama untu' Batarata, lanri nuassemmi angkanaya tena nala'jari sia-sia sikamma apa nugaukanga untu' Batarata.

GALATIA 2:5

Mingka manna sike'de', takkuleaki' anturukiangi ero'na ke'nanga, nasaba' erokki' angkatutui anjo Kabara' Bajika, sollanna tuli majarre' ri kau ngaseng.

HAKING-HAKING 16:10

Nakanamo Delila ri Simson, “A'balle-balleko! Nukarek-karenaija'. Pauanga', otere' apa akkulle nipake ansikkokko!”

HAKING-HAKING 16:6

Jari nakanamo Delila ri Simson, “Apa saba'na nanugassing kamma Simson? Apapi nisikkokangko sollanna tappela' anjo kagassingannu? Pauang sa' bedeng rahasiana!”