NEHEMIA 6:2 - KITTA' MATANGKASA'

² Jari akkirimmi undangang Sanbalat siagang Gesyem ri nakke sollangku battu angngagangi ke'nanga sibuntulu' ri se'reang desa ri Ka'bung Ono. Mingka kuassengi angkana napa'boyanga' akkala' ero' nabalai ke'nanga.

NEHEMIA 6:2 Iomraidhean Croise

2 SAMUEL 20:9

Angkanai Yoab mae ri Amasa, “Antekamma kabaraka gang?” Nampa nata'gala' janggo'na Amasa siagang lima kananna, sangkamma angkanaya eroki ambaui.

2 SAMUEL 3:27

Tena nasallo battuna Abner mange ri Hebron, nikio'mi ri Yoab mae ri sa'ri, mae ri ampi'na pakke'bu' lompoa, sangkamma angkanaya nia' rahasia lanabicara. Ti'ring natobo'mi Yoab parru'na Abner sa'genna mate. Kammaminjo namatemo Abner nibuno ri Yoab untu' ambalasaki pammunoanna Abner ri andi'na Yoab iamintu Asael.

1 PATTOTTORANG 8:12

Ana'-ana' bura'nena Elpaal nia' tallu, iamintu: Eber, Misam, Semed. Iaminne Semed ambangungi kota Ono siagang Lod, kammayatompa desa-desa niaka ri tammulilina.

NEHEMIA 11:35

Lod, Ono, siagang ri Ka'bung Tukang-tukang.

NEHEMIA 3:22

Bageang-bageang tembo' maraengannaya napakabajiki sikamma imang-imanga. Areng-arenna ke'nanga iamintu: Imang-imang ammantanga tenaya nabella battu ri Yerusalem. Benyamin siagang Hasub: ia najamaya ke'nanga iamintu tembo' kalli' niaka ri dallekang balla'na ke'nanga. Azarya ana'na Maaseya ana'na Ananya: ia anjamai tembo' kalli' niaka ri dallekang balla'na. Binui ana'na Henadad: ia anjamai tembo' kalli' appakkaramula ri balla'na Azariah sa'genna panyingkulu' kalli' temboka. Palal ana'na Uzai: ia anjamai appakkaramula ri panyingkulu'na tembo' kallika siagang menarana balla' lompo bageang rateang, ri ampi'na pa'jaganga. Pedaya ana'na Paros: ia anjamai tembo' kallika sa'genna ri dallekanna Pakke'bu' Lompo Je'ne', bageang iraya siagang menara pa'jagang Balla'Na Batara ri Yerusalem. (Tena nabella battu anjoreng nia' daera niarenga Ofel, tampa' pammantanganna sikamma tau anjamaya ri Balla'Na Batara ri Yerusalem.)

NEHEMIA 6:3

Jari kubalasa'mi undanganna ke'nanga angkana, “Takkullea' battu saba' nia' jama-jamangku parallu. Tanjariai anjo jama-jamanga punna kubokoi untu' angngagangko sicini'.”

PAMMUJI 12:2

Kitulungi ikambe o, Batara, nasaba' tenamo tau baji', sikamma tau majarreka ri Katte lanynya' ngasemmi.

PAMMUJI 37:12

Tu ja'dalaka a'rancanai kaja'dallang mae ri tu bajika, na birisi' ke'nanga anciniki.

PAMMUJI 37:32

Tu bajika niodoki ri tu ja'dalaka a'boyai kasampatang untu' ambunoi.

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

YEREMIA 41:2

Ismael siagang anjo sampuloa tau nabi'bu'mi pa'danna ke'nanga nampa nabuno Gedalya, anjo guburnur niangkaka ri tu Babel.

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.