NEHEMIA 6:16 - KITTA' MATANGKASA'

¹⁶ Nalangngere'na musu-musunna ikambe, ia niaka ri alla'na bansa-bansa attammulilia anjoreng, kabara'na anjo passalaka, malla'mi latu'guru' siri' ke'nanga. Nasaba' sikontu taua naassengi angkanaya anjo jamanga nigaukangi lalang pannulunNa Allata'ala.

NEHEMIA 6:16 Iomraidhean Croise

NEHEMIA 2:10

Mingka nalangngere'na Sanbalat, iamintu tu Bet-Horon, siagang Tobia, se're tunna'gala' jamang battu ri Amon, angkana battua' untu' kaparalluanna bansa Israel, a'jari sanna'mi birisi'na ke'nanga.

NEHEMIA 4:1

Nalangngere'na Sanbalat angkana ikambe tu Yahudia nipakabajiki tembo' kalli'na kotaya, a'jari sanna'mi larrona siagang appakkaramulami ancau-caui ikambe.

NEHEMIA 4:7

Ri wattunna nalangngere' Sanbalat, Tobia siagang tu battua ri Amon, tu battua ri Asdod kammayatompa tu Arab, angkana pila' majumi pakabajikanna anjo tembo' kallika ri Yerusalem, kammayatompa appakkaramulami nitongko' sikamma kali'bonna anjo temboka, a'jari teaimi sipato' larrona ke'nanga.

NEHEMIA 6:17

Lalanna anjo wattua siapa are pamimping Yahudi tuli sikiringinna sura' siagang Tobia.

PAMMUJI 109:27

Na naasseng musungku angkana anjo panggaukanTa, angkana iKatte, Batara, anggaukangi.

PAMMUJI 126:2

Tulusu' ammakkalakki' siagang akkelong rannu sa'genna nakana bansa-bansaya, “Nagaukammi Batara gau'-gau' hebaka mae ri ke'nanga!”

PAMMUJI 129:5

Boli'mi sikamma tau birisika ri Sion nibetai siagang ditunrungi ammunduru'.

PAMMUJI 147:2

LaNapammollei Batara Yerusalem; laNapoterangi sikamma tau nipelaka.

KALAPPASSANG 14:25

Napassala-salangi rodana karetaya sa'genna takkullea tapputara', sa'genna sanna' susana ke'nanga lamaju. Nakanamo tu Mesirka, “KalenNa Batara a'bundu' untu' tu Israel na nabaliangki'. Umba kilari battu anrinni!”

YEREMIA 33:9

Yerusalem la'jari karannuangKu siagang kalompoanna nyawaKu. Sikontu bansaya ri lino la'jari mallaki siagang annekkereki kammayatompa lappakalompoi ri Nakke, punna nalangngereki passala'na kabajikang Kugaukanga untu' pandudu'na Yerusalem, siagang kakalumanynyangngang Kupassareanga mae ri anjo kotaya.”

PAMMILANGNGANG 23:23

Tena pangngissengang akkulle andallekangi Yakub tena baca-baca makoasa mae ri tu Israel. Ri passala'na anjo bansaya nakana taua, ‘Ciniki gau' malompo Nagaukanga Allata'ala!’

LAMPA-LAMPANA 5:38

Jari kamma-kamma anne, pappakaingakku ri anne passalaka iamintu: tea' mako nanuapa-apai anne sikamma taua, mingka lappassang tommi mange ke'nanga. Nasaba' punna apa-apa battu ri rupataua anjo napangngajarranga siagang nagaukanga ke'nanga, ma'nassa lalanynya' kale-kale tonji anjo apa napangngajarranga nagaukanga ke'nanga.

YOSUA 2:11

Nalangngere'na ikambe anjo carita-carita kammaya, a'jari malla' sikalimi ikambe. Sikontu taua tappela' ngasemmi kabaranianna lanri ikau ngaseng. Karaeng Allata'alanu ma'nassa Ia tojeng Allata'ala Kaminang Makoasaya ri langika siagang ri buttaya.

YOSUA 2:9

nampa nakana ri ke'nanga, “Kuassengi angkanaya le'ba'mi Napassareang Batara anne pa'rasanganga mae ri kau ngaseng. Sikontu tau niaka anrinni malla' ngasengi ri kau ngaseng.

YOSUA 5:1

Sikontu karaenna tu Amori ilaukanna Binanga Yordan, siagang sikontu karaenna tu Kanaan ri birinna Tamparang Tangngaya nalangngereki kabara'na angkanaya le'baki Napa'jari kalotoro' Batara anjo je'ne'na Binanga Yordan lalang a'limbanna umma' Israel ri anjo binangaya. Jari a'jari malla'mi siagang annekkere'mi ke'nanga napakamma tu Israel.