NEHEMIA 6:13 - KITTA' MATANGKASA'

¹³ Pattujunna ke'nanga, iamintu sollangku malla' nakuturuki ero'na ke'nanga sa'gengku doraka. Lanri kammana anggappami kasampatang ke'nanga untu' ambotto'-bottoki arengku, sa'gengku a'jari carita kodi ri taua.

NEHEMIA 6:13 Iomraidhean Croise

NEHEMIA 6:12

Le'baki kupikki'-pikkiri' anjo passalaka, angngu'rangima' angkana anjo pakkio'na Semaya teai pakkio' battu ri Allata'ala, passangalinna battu ri Tobia siagang Sanbalat. Le'ba'mi nagaji ke'nanga Semaya untu' ampabattui anjo kabaraka mae ri nakke.

NEHEMIA 6:6

Na ia bonena anjo suraka iamintu: “Napakkontutojengi Gesyem nia'na kaba'-kabara' niaka nacarita bansa-bansa niaka ri tammulilina anne pa'rasanganga, angkanaya ikau siagang sikontu tu Yahudia a'rancanako ero' apparicu, na iaminjo saba'na nanupakabaji' tembo' kalli'na kotaya. Napau tongi angkanaya erokko angngangkaki kalennu a'jari karaeng Yehuda.

PANGNGEBARANG 22:1

Areng bajika lompoangngangi anggaranna na barang jaia; bajikangngangi nikamaseanga na nisarea pera' siagang bulaeng.

PANGNGEBARANG 29:5

Inai ampalecei paranna tau, attannangi sikko' untu' kalenna.

KATO'BA 7:1

Areng bajika mabaukangngangi na minynya'-minynya' ka'jalaka ballinna; siagang allo kamateanga bajikangngangi na allo kalassukanga.

YESAYA 51:7

PilangngeriA', he bansaKu, nuassengi apa annabaya; ajarangKu nuboliki lalang ri atinnu. Teako mallakki punna nicau-cauko ri rupataua, teako lussakki punna nahinako ke'nanga.

YESAYA 57:11

Nakana Batara, “Inaika anjo rewata-rewata ampajariako malla', sa'gennu a'balle-balle siagang tenamo nungngu'rangi mae ri Nakke? Apaka tenamo nunynyomba mae ri Nakke lanri sallo duduKumo tamakkana-kanaya?

YEREMIA 1:17

Sadia-sadia mako Yeremia! A'lampamako siagang pabattui mae ri ke'nanga, sikontu apa Kuparentakanga mae ri kau. Teako mallakki mae ri ke'nanga, sollanna tena naKupa'jari pila' mallakko punna assidallekangko siagang ke'nanga.

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

YEHEZKIEL 2:6

Mingka ikau, he tau, teako mallakki mae ri anjo tau paewaya, yareka mae ri manna apa pole nakana ke'nanga. Lanaewako siagang lanahinako ke'nanga, sa'gennu rapangko tau attallasaka ri tangnga-tangngana olo'-olo' niaka racunna punna angngokko'. Mingka manna nakamma teako mallakki.

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

MATIUS 22:15

Le'baki anjo a'lampami tu Farisia sipa'bicara; eroki ke'nanga a'boya pakkuta'nang sollanna akkulle nakuta'nang Isa nasala pappialinNa.

MATIUS 26:59

Sikamma imang-imang kapalaya kammayatompa sikamma haking Pangadelang Agamaya, massing a'boyami sa'bi a'balle-balle, sollanna akkulle nihukkung mate Isa.

LAMPA-LAMPANA 6:13

Siagang naerang tommi ke'nanga battu andallekang sa'bi-sa'bi a'balle-ballea, ero' ambattalli Stefanus. Nakanamo anjo sa'bi-sa'bia, “Anne taua tuli nahinai Balla'Na Batara matangkasaka, siagang nahinai sikamma parentaNa Allata'ala napabattua Musa.

2 KORINTUS 11:12

Anne apa kugaukanga ri kamma-kammaya anne, tuli lakugaukangi situlusu'na. Sollanna tena alasanna sikamma “tunisuro” maraenganga ampakalompoi kalenna, angkana anjama tongi sangkamma ikambe.

1 TIMOTIUS 5:14

Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.

2 TIMOTIUS 1:7

Nasaba' anjo Roh Napassareanga Allata'ala mae ri katte teai Roh ampa'jariki' ballorang. Mingka anjo RohNa Allata'ala Napa'jari majarrekki', sukkukki' lalang pangngamaseang siagang akkullei nipakalewa kalenta.

TITUS 2:8

Pakei kana-kana bajika, tenaya nakkulle nacalla taua, sollanna a'jari siri'-siri' balinnu, lanri tena apa-apa kodi akkullea napake ambicara kodiki'.

YAKOBUS 4:17

Lanri kammana, inai-nai angngassengi apa bajika, nanaasseng angkanaya musti nagaukangi anjo apa bajika mingka tena nagaukangi, anjo taua dorakami.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”