NEHEMIA 6:11 - KITTA' MATANGKASA'

¹¹ Mingka appialima' angkana, “Inakke anne takungaiai laria. Inakke tau biasaja', jari takkullea' antama' ri Balla'Na Batara ri Yerusalem, matea' sallang. Tena, tena nakuero'!”

NEHEMIA 6:11 Iomraidhean Croise

NEHEMIA 6:12

Le'baki kupikki'-pikkiri' anjo passalaka, angngu'rangima' angkana anjo pakkio'na Semaya teai pakkio' battu ri Allata'ala, passangalinna battu ri Tobia siagang Sanbalat. Le'ba'mi nagaji ke'nanga Semaya untu' ampabattui anjo kabaraka mae ri nakke.

NEHEMIA 6:3

Jari kubalasa'mi undanganna ke'nanga angkana, “Takkullea' battu saba' nia' jama-jamangku parallu. Tanjariai anjo jama-jamanga punna kubokoi untu' angngagangko sicini'.”

NEHEMIA 6:9

Nacoba-cobami ke'nanga anggarattaka' sollanna napammari ikambe anjo jama-jamanga. Appala' doamma' angkana, “O, Allata'ala, pakajarreki pa'maikku!”

PAMMUJI 112:6

Tau bajika tena nalanipassalasa; tuli laniu'rangi satunggu-tungguna.

PAMMUJI 112:8

Tena nalussa' yareka malla', lanri tappaki angkana lanibetai musunna.

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

KATO'BA 10:1

Katingalo matea sikayu nabottoki minynya' bauka sibotolo', sike'de' katoloang ampelaki kacara'dekang tinggi dudua.

YESAYA 10:18

Sikamma romang lompoa siagang sikamma koko copponga buttana ri pa'rasangang Asyur lanipaccappu' taba sikali, sanrapang tau garring ta'ronang-ronanga sa'genna mate.

PAMMILANGNGANG 3:10

Mingka Harun siagang sikamma ana'na musti nuangkaki untu' anggaukangi tugasa'na salaku imang; pantaranganna ke'nanga, manna pole nai ampaccoba-cobai anggaukangi anjo tugasaka musti nihukkung matei.”

LAMPA-LAMPANA 20:24

Mingka takujampangiai anne tallasakku, assala' akkulle mamo kupa'le'ba' anjo tugasa' Napassareanga Batara Isa mae ri nakke; kammayatompa assala' akkullea' jarre' sa'genna kala'busang tallasakku ampa'la'bangi Kabara' Bajika, iamintu ri passala'na pangngamaseanNa Allata'ala.

LAMPA-LAMPANA 21:13

Mingka appialimi Paulus angkana, “Apa matu-matunnu angngarru' kamma ngaseng, sa'genna a'jari ancuru' kusa'ring atingku? Kamma-kamma anne sadiama'; teako angkana nijakkala' bawang, mingka sadiama' ba'lalo mate lanri Batara Isa.”

LAMPA-LAMPANA 8:1

Na sannang todong nyawana Saulus ri nibunonamo Stefanus. Iatommi anjo alloa nappakkaramulamo niondang mange-mange jama'aka ri Yerusalem. Sa'genna tassia'-siara'mo sikamma tau tappaka ri sikontu daera Yudea siagang Samaria. TunisuroNa mami Allata'ala tena natassia'-siara'.

FILIPI 2:17

Nakulle kapang lanibunoa' siagang latassolongi cerakku anjari sangkamma koro'bang nipatirika irate ri apa nupassareanga mae ri Allata'ala anjari' pammatei angkana tappakko ri Ia. Punna memang musti kammai anjo, appala' sukkuruka', siagang amminawang tonga' rannu siagang ikau ngaseng.

FILIPI 2:30

Sike'deki mate lanri kaparalluang jama-jamanNa Almasi; nabotorimi nyawana lanri ero'na antulunga' lalang arennu ngaseng.

IBRANI 11:27

Lanri tappa'na, natamallakamo Musa ri pangngalarroinna karaenga nanabokoi butta Mesir. A'lampami Musa mange ri tampa' lanatujua sangkamma le'ba' angkanaya le'ba'mi nacini' anjo Allata'ala tenaya nakacinikang.

1 SAMUEL 19:5

Le'ba'mi nasaung nyawana wattunna nabuno Goliat, na nisaremo pammetang lompo tu Israel tete ri ia. Kalenta anciniki anjo apa le'baka kajariang, siagang rannumi pa'maitta anjo wattua. Jari angngapa nakiero' kamma-kamma anne ansessai tau tenaya kasalanna siagang ambunoi anjo Daud natena apa-apa saba'na?”