NEHEMIA 6:10 - KITTA' MATANGKASA'

¹⁰ Kira-kira anjo todong wattua, a'lampa' mange ri balla'na Semaya ana'na Delaya siagang cucunna Mehetabeel, lanri natabai salibanra natabattua ri nakke. Nakanamo ri nakke, “Umba ki'lampa sipa'rua accokko ri Balla'Na Batara ri Yerusalem. Nikonci ngasengi pakke'bu'na, nasaba' nia' tau ero' ambunoko. Anne kutadeng bangngia nalanibunoko.”

NEHEMIA 6:10 Iomraidhean Croise

1 KARAENG-KARAENG 6:5

Ri tammulili bageang ri bokona anjo ballaka, ri tembo' bageang pantara'na nibangungi kamara'-kamara' a'lonjoka. Nia' tallung lonjo', massing-massing tinggina 2,2 metere'.

2 KARAENG-KARAENG 11:3

Annang taungi sallona naparakai Yoseba anjo anaka lalang ri Balla'na Batara ri wattunna Atalya ammarenta salaku karaeng baine.

2 KARAENG-KARAENG 9:8

Sikontu kaluargana siagang ana' cucunna Ahab musti mate kabusuki. Sikontu tu bura'nea baji' tau toa kammayatompa tau rungkaya laKupaccappuki.

2 PATTOTTORANG 28:24

Nampa naalle sikontu pakkakasa' niaka lalang ri Balla'Na Batara naancuru'. Nampa natongko' Balla'Na Batara, siagang ambangung tampa'-tampa' pakkoro'bangngang ri sikontu Yerusalem.

2 PATTOTTORANG 29:3

Ri bulang se're taung makase're ammarentana Hizkia, nasungkei ammotere' Hizkia sikontu pakke'bu'na Balla'Na Batara nampa nasuroi taua ampakabajiki.

2 PATTOTTORANG 29:7

Natongkoki ke'nanga sikamma pakke'bu'na Balla'Na Batara nampa nabuno kanjoli-kanjolina. Tena nattunu dupa ke'nanga ri Balla'Na Batara, siagang tena nassare koro'bang nitunu mae ri Allata'ala nasombaya tu Israel.

EZRA 10:31

Golongang Harim: Eliezer, Yisia, Malkia, Semaya, Simeon, Benyamin, Malukh, siagang Semarya.

EZRA 8:16

Nampa kukio' salapang tau battu ri sikamma pamimpinga, iamintu: Eliezer, Ariel, Semaya, Elnatan, Yarib, Elnatan, Natan, Zakharia, Mesulam, siagang pole rua guru iamintu Yoyarib siagang Elnatan.

NEHEMIA 6:12

Le'baki kupikki'-pikkiri' anjo passalaka, angngu'rangima' angkana anjo pakkio'na Semaya teai pakkio' battu ri Allata'ala, passangalinna battu ri Tobia siagang Sanbalat. Le'ba'mi nagaji ke'nanga Semaya untu' ampabattui anjo kabaraka mae ri nakke.

PAMMUJI 12:2

Kitulungi ikambe o, Batara, nasaba' tenamo tau baji', sikamma tau majarreka ri Katte lanynya' ngasemmi.

PAMMUJI 37:12

Tu ja'dalaka a'rancanai kaja'dallang mae ri tu bajika, na birisi' ke'nanga anciniki.

PANGNGEBARANG 11:9

Pa'bicaranna tau ja'dalaka ammanraki; kacara'dekanna tau bajika lappasalamaki.

YEREMIA 36:5

Nampa kusare anne parentaya angkana, “Tenamo kunipa'biang antama' ri Balla'Na Batara.

YEHEZKIEL 3:24

mingka RohNa Allata'ala antamaki ri kalengku siagang Napabangunga' nai'. Nakana Batara ri nakke, “Ammotere' mako siagang kurungi kalennu lalang balla'.

MALEAKHI 1:10

Nakana Batara Kaminang Koasaya, “Bajikangngangi nitongko' pakke'bu' BallakKu, nasaba' tena matu-matunnu apparinra pepe' irate ri tampa' pakkoro'bangngangKu. Tena nakungaiKo, siagang tena nalaKutarima passarenu.

MATIUS 7:15

“Tutuko mae ri na'bi-na'bi palassua. Sanrapangi nicini' gimbala' ke'nanga, mingka sikontutojenna sanrapangi kongkong nye'nyereka lalang nyawana ke'nanga.

YOHANES 3:20

Inai-nai a'gau' ja'dala', iami angkabirisi Singaraka; taerokai battu mae ri singaraka, sollanna tena nakacinikang panggaukang ja'dala'na.

LAMPA-LAMPANA 21:30

A'jari sanna'mi ricuna taua ri sikontu anjo kotaya, siagang assilari-larimi mange a'lipung. Najakkala'mi ke'nanga Paulus, nampa nare'resang assulu' ri Balla'Na Batara. Anjo wattua nitongko'mi linta' pakke'bu' Balla'Na Batara.