NEHEMIA 5:9 - KITTA' MATANGKASA'

⁹ Nampa kukanamo pole, “Kodi anjo panggaukannu! Mustina mallakko lalang tallasa'nu mae ri Allata'ala. Lanri kammana, anjo musunta tenaya allata'alana, tenamo nusarei kasampatang untu' anghinaki'.

NEHEMIA 5:9 Iomraidhean Croise

PA'JARIANG 20:11

Appialimi Abraham angkana, “Kupikkiriki angkanaya tena sikali tau malla' ri Allata'ala anrinni, sa'genna akkullea' nabuno taua ia eroka mae ri bainengku.

PA'JARIANG 42:18

Ri makatalluna alloa nakanamo Yusuf ri ke'nanga, “Inakke tau mallaka' siagang tau mannurukia' ri Allata'ala. Lakulappassangko, mingka nia' se're sara'na.

2 SAMUEL 12:14

Mingka lanri kihinana Batara battu ri anjo panggaukanta, anjo ana' bura'neta beru lassuka lamatei.”

NEHEMIA 4:4

Jari appala' doamma' angkana, “O, Allata'ala, Kilangngere'mi antekamma batena nihina ikambe! Kipitujuimi ri ulunna ke'nanga hukkunganna anjo kana-kana anghinayai ikambe. Lappassammi naniella' barang-baranna ke'nanga siagang nanierang todong kalenna ke'nanga nipela' mange ri pa'rasanganna tau maraenga.

NEHEMIA 5:10

Inakke kalengku, sikamma sari'battangku, kammayatompa agang-agangku ngaseng, nisaremi angnginrang doe' siagang gandung ra'yaka. Mingka tena nanapalaki ikambe ammotere'.

NEHEMIA 5:15

Sikamma guburnur rioloangnganga nainakke, nabattalli ra'yaka lanri natuntuki ke'nanga battu ri ra'yaka 40 jaina doe' pera' lalanna siallo untu' kanre siagang anggoro'na ke'nanga. Ba'lalo, manna pagawe-pagawena ke'nanga najallakkang tonji ra'yaka. Mingka inakke taeroka' appakamma lanri mallaka' ri Allata'ala.

PAMMUJI 90:11

Inaika angngassengi lompona pangngalarroinTa? Yareka angngassengi kale'bakkanna kalarroanTa?

PANGNGEBARANG 16:29

Tau sekkeka natipui bela-belana, na naerang ke'nanga antama ri bahayaya.

PANGNGEBARANG 17:26

Tena nasiratang nipassala tau tenaya salana; tasiratangai nijallakkang tau bajika akkala'na.

PANGNGEBARANG 18:5

Tabajikai angngalle mae ri tau dorakaya siagang anjallakkangi tau tenaya salanna.

PANGNGEBARANG 19:2

Rajeng nampa tena pangngassengang, tena nabaji'; tau akkaro-karoa lappareki kasalang.

PANGNGEBARANG 24:23

Tau cara'deka le'baki akkana kamma anne: Hakinga takkulleai battala' siali.

YEHEZKIEL 36:20

Manna kemae lampana ke'nanga, tuli nara'massinna arengKu matangkasaka. Nasaba' akkanai taua kamma anne, ‘Anne bansaya umma'Na Allata'ala, mingka musti nabokoi butta Napassareanga Allata'ala mae ri ke'nanga.’

KAIMANGNGANG 25:36

Teako appalakki bunga battu ri apa nupappiinranganga mae ri ia, mingka paralluko malla' ri Allata'alanu, siagang lappassammi anjo taua attallasa' ri alla'nu. Tea tongko angngallei passawallang battu ri kanre nubalukanga mae ri ia.

LAMPA-LAMPANA 9:31

A'jari sannammi sikontu jama'aka ri Yudea, Galilea, siagang Samaria. Na lanri malla'na ri Batara siagang pannulunNa RohNa Allata'ala, pila' jarre'mi siagang pila' katambammi jaina ke'nanga.

ROMA 2:24

Nia' tattulisi' lalang ri Kittaka, angkanaya, “Passabakkang ikau tu Yahudia, nanira'ma'-ra'massimo arenNa Allata'ala ri tangnga-tangngana bansa-bansa maraenga.”

1 TIMOTIUS 5:14

Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.

TITUS 2:5

untu' a'jari tangkasa' siagang untu' a'jari tu baine bajika lalang ri pakkalabinianna, iamintu mappilangngeria mae ri bura'nenna. Lalang ri kammana anjo tenamo tau akkulle ancallai biritta battua ri Allata'ala.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

1 SAMUEL 2:24

Teako appakammai pole anjo na'. Teai sipato' kodina anjo nabicaraya umma'Na Batara ri passala' panggaukannu.