NEHEMIA 5:6 - KITTA' MATANGKASA'

⁶ Kulangngere'na akkunrareng ke'nanga, teaimi sipato' larroku.

NEHEMIA 5:6 Iomraidhean Croise

NEHEMIA 13:25

Kupakaingaki ke'nanga siagang kutunrai ke'nanga. Nia' todong kuba'ji siagang kuparuntang uu'na. Nampa kusuro ke'nanga assumpa lalang arenNa Allata'ala angkana ke'nanga siagang ana'-ana'na ke'nanga tenamo nalasicampuru' a'bunting pole.

NEHEMIA 13:8

Teai sipato' larroku, sa'genna kupasambila ngaseng assulu' barang-baranna Tobia.

NEHEMIA 5:7

Kupattantumi angkana langngallea' tindakang. Nampa kupakainga'mo sikamma tutoa-toana ra'yaka siagang sikamma pamimpinna ra'yaka. Kukana ri ke'nanga, “Angngapa nanujallakkang sikamma sari'battannu tonji?” Nampa appare'ma passirapakkang siagang tau jaia untu' a'boya cara untu' ambantui ke'nanga ri kasusaanga.

PAMMUJI 119:53

Sanna' larroku mae ri tau ja'dalaka, lanri nabokoi hukkunTa.

KALAPPASSANG 11:8

Kala'busanna nakanamo Musa, “Sikontu pagaweta labattu ngasengi mae ri nakke siagang lasu'juki ri dallekangku sollanna kubokoi anne pa'rasanganga siagang bansaku. Le'baki anjo la'lampama'.” Nampa sanna'mo larrona Musa na nabokoi karaenga.

PAMMILANGNGANG 16:15

Teaimi sipato' larrona Musa siagang nakanamo mae ri Batara, “O Karaeng, tea' laloKi' tarimai passarena ke'nanga. Tena le'bakai nia' ri ke'nanga kupakarugi, manna pole sitau tania'; ba'lalo manna pole sikayua keledai tale'ba' nia' kualle battu ri ke'nanga.”

MARKUS 3:5

A'jari larromi Isa, na'la'bang Naciniki ngaseng tau niaka ri tammuliliNa. Mingka si'na tommi pa'mai'Na lanri kapala batuna ngaseng ke'nanga. Nampa Nakana ri anjo taua, “Pajonjoi limannu.” Napajonjomi limanna anjo taua, na'jari baji'mo.

EFESUS 4:26

Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.