NEHEMIA 5:17 - KITTA' MATANGKASA'

¹⁷ Nia' 150 tu Yahudi siagang tutoa-toana ke'nanga biasa kutoana angnganre ri ballakku, tenirekengapi toana battua ri bansa niaka ri ampi'na ikambe.

NEHEMIA 5:17 Iomraidhean Croise

2 SAMUEL 9:13

Kammaminjo nammantammo Mefiboset panra' rua-ruaya bangkenna ri Yerusalem siagang tuli angnganrena ri balla' kakaraenganga.

2 SAMUEL 9:7

Angkanami Daud, “Teako mallakki. Lalammoro' pa'maika' mae ri kau lanri Yonatan manggenu. Sikontu buttana toanu iamintu Saul, lakupoterangi mae ri kau siagang akkulleko angnganre ri balla' kakaraenganga satunggu-tungguna.”

1 KARAENG-KARAENG 18:19

Kamma-kamma anne parentakammi sikontu ra'ya' Israel untu' angngaganga' sibuntulu' ri Moncong Karmel. Erang tongi anjo 450 na'bi Baal siagang 400 na'bi rewata baine Asyera, ia niongkosia ri Izebel bainenna karaenga!”

1 KARAENG-KARAENG 5:3

“Karaeng Hiram mala'birika! Tantu kiassengi angkanaya manggeku tuli tarpassa a'bunduki lanri battui musua ambunduki, iamintu battua ri pa'rasangang niaka ri tammulilina ikambe. Na lanri tenapa nisarei ri Batara untu' ambeta ngasengi musunna, tenapa nasawe ambangung tampa' sambayang mange ri Karaeng Allata'alana.

NEHEMIA 5:16

Sikontu pakkulleku kupamange ngasengi ri usaha untu' ambangungi anjo temboka nampa tena kunggappa tampa' manna sike'de' a'jari pa'balasa' mae ri nakke, manna pole nasikontu pambantuku anjama tongi untu' anjo pambangunanga.

YESAYA 32:8

Mingka tau la'birika akkala' baji'na, la'biriki apa-apa narancanakanga siagang la'biri' tongi tindakanna.

ROMA 12:13

Tulungi parannu tu Karisteng ampa'gannaki kaparalluanna, siagang pakate'nei atinnu antarimai julu tappa'nu tenaya nuassengi ke'nanga antama' ri balla'nu.