NEHEMIA 4:2 - KITTA' MATANGKASA'

² Ri dallekanna agang-aganna ngaseng siagang tantara Samaria nakanamo, “Apa anjo nagaukang tu Yahudi cilakaya, tenaya apa-apa akkulle nagaukang? Apaka eroki ke'nanga ambangung poleangi anne kotaya? Maka nakana kapang ke'nanga akkullei le'ba' lalang siallo anjo jama-jamanga, lanri assarena bawang koro'bang ke'nanga? Maka akkullei anjo tambungang loro ammutunga le'ba' nakanre pepe' napa'jari batu-batu untu' anjo tembo' kallika?”

NEHEMIA 4:2 Iomraidhean Croise

EZRA 4:4

Nampa appakkaramulamo anjo pandudu' salloamo ammantang ri anjo pa'rasanganga ampakalammai sumanga'na tu Yahudia, siagang nagaratta'mi ke'nanga sollanna napammari ke'nanga anjo pambangunanga.

NEHEMIA 12:27

Ri wattunna niresmikang tembo' kalli'na kota Yerusalem, nikio' ngasengi sikamma tu Lewia battu ri sikamma tampa' pammantanganna ke'nanga, sollanna akkulle ke'nanga amminawang ampakasuaraki anjo kajarianga siagang kelong-kelong appala' sukkuru', siagang gambusu' na kacapi.

NEHEMIA 12:43

Anjo alloa jai koro'bang nipassareang ri Batara. A'rannu-rannui ra'yaka lanri nipakasunggui ri Allata'ala. Sikamma bai'-bainea siagang ana'-anaka amminawang tongi assua'-suara', siagang kalangngerammi sa'genna bella sa'ra karannuanna ke'nanga.

NEHEMIA 4:10

Mingka appakkaramulami tu Yahudi akkunrareng lalang kelong nakana, “Dodommi ikambe angngangka' nampa jaina ija loro attambung. Takkullea maki' anjama kamma anne untu' ambangungi tembo'na anne kotaya.”

NEHEMIA 6:15

Pakabajikianna anjo tembo' kallika iamintu 52 allonna, nampa le'ba'. Tanggala' ruampulo allima bulang Elul nale'ba'.

PAMMUJI 83:4

Appareki rancana cara'de' untu' angngewai ummatTa; assikongkoloki ke'nanga angngewai sikamma tau Kijagaia.

YEREMIA 26:18

“Ri wattunna Hizkia a'jari karaeng Yehuda, Na'bi Mikha battu ri Moresyet napabattui mae ri ra'yaka anne kana battua ri Batara Kaminang Koasaya, angkana, ‘Sion lanipa'jekoi rapang koko, Yerusalem la'jari pannambungang rumbangngang, siagang Bulu' Balla'Na Batara la'jari romangi.’

YEREMIA 33:24

“Le'ba'mi nuparhatikang apa napaua taua mae ri tu Israel siagang tu Yehuda? Nakana ke'nanga angkanaya Kupela'mi anjo ruaya bansa le'baka Kupile. Iaminjo saba'na nanacini' tuna ummakKu, tenamo nabilangi salaku se're bansa.

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.

HABAKUK 3:2

O Batara, kulangngereki passala' panggaukanTa, na napirassi pa'maikku eroka mappakalompo. Poro Kipaollei anjo panggaukang malompoTa na Kipa'nyata ri anne jammanna ikambe. Poro Kikamaseangi ikambe manna pole nabambang nyawaTa.

ZAKHARIA 12:8

Anjo alloa iNakke lalla'langngi pandudu'na Yerusalem; siagang manna kaminang lammaya ri alla'na ke'nanga la'jari kammai gassinna Daud. Laniului ke'nanga ri jari-jarina Daud sanrapang niulu ri malaekakKu, ba'lalo sanrapang KalengKu angngului.

1 KORINTUS 1:27

Nasaba' Nakunjungi memang tongi Allata'ala ampilei tau nicini' dongoka ri anne linoa; sollanna a'jari siri'-siri' tau cara'deka. Siagang Napile tommi Allata'ala tau nicini' lammaya ri anne linoa, sollanna a'jari siri'-siri' tau makassaka siagang magassinga ri anne linoa.