NEHEMIA 4:17 - KITTA' MATANGKASA'

¹⁷ ia anjamaya ampakabajiki temboka. Tau a'lembaraka bahang, siali limanna anna'gala' lembarang nasiali limanna maraenga anna'galaki sanjata.

NEHEMIA 4:17 Iomraidhean Croise

NEHEMIA 4:13

Lanri kammana, kubage-bageimi ra'yaka pa'dang, poke, siagang pana, nampa kuatoro' tampa'na ke'nanga manuru' massing golongang bijanna ke'nanga anjoreng ri bokona temboka, iamintu tembo'-tembo' tenayapa nale'ba' nipakabaji'.

NEHEMIA 4:16

Mingka appakkaramula anjo alloa bageruanna mami ana' buaku anjama, nasaba' bageruanna maraenga a'jaga-jagai siagang ammakei baju pa'bundukang kammayatompa angngerangi poke, pa'lapa' barambang siagang pana. Sikamma pamimping ra'yaka nabantumi siagang nasaremi sumanga' ra'yaka,

NEHEMIA 4:18

Tukang-tukang batua anjama tommi nassele' pa'dang ri aya'na. Patui' tarompe' pammatei nia' bahaya, tuli niaki ri sa'ringku.

PAMMUJI 149:6

Boli'mi kamma assa'ra lompo umma'Na mammuji ri Allata'ala, anna'gala' pa'dang le'ba' kantisi'

KELONG MALA'BIRI' 3:8

niaka pangalamanna a'bundu'. Assele' ngasengi ke'nanga pa'dang ri aya'na sadia andallekangi tau a'bakkaya ri wattu bangngi.

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.

YO"EL 2:8

Tena nasiassa'-assa' ke'nanga, massing ri garisi'na tonji a'jappa. Appada-padai ke'nanga allappoi sikontu pattahangnganga, takkulleai nitahang barisanna ke'nanga.

1 KORINTUS 16:13

Paralluko tutu siagang jarre' tappa'nu lalang ri katallassannu salaku tu Karisteng. Pa'baraniangi kalennu anggaukangi jama-jamannu siagang a'jariko tau magassing lalang ri katallassannu.

1 KORINTUS 16:9

Anrinni jai kasampatang untu' jama-jamang a'matu-matua, manna najai tau ero' anghalang-halangi.

1 KORINTUS 9:12

Punna nia' ha'na tau maraenga amminasai anne battu ri kau ngaseng, maka tena nala'bi niakkangang ha'na ikambe na ke'nanga? Mingka inakke tenapa nakupakei anjo ha' kammaya. Nasaba' la'bi kungaiangangi kalengku antanggong ngasengi anjo sikammaya naia appa'niaka kasukkarang, akkullea anghalangi pa'la'banganna Kabara' Bajika ri passala'na Almasi.

2 KORINTUS 6:7

lalang koasaNa Allata'ala nanibirittakang kabara' battua ri Allata'ala; na lanri kammanami anjo nanapappicinikammo ikambe angkanaya ikambe anne ma'nassa atanNaki' Allata'ala. Anna'gala' jarre' maki' mae ri ero'Na Allata'ala. Iaminjo a'jari kagassinganna ikambe untu' langngewa yareka lanjagai kalenta punna battu mae musu lammanrakia.

FILIPI 1:28

Paralluko tuli barani; teako mallaki mae ri musu-musunnu. Iaminjo a'jari butti angkanaya ma'nassa lanibetai ke'nanga, na ikau mattantu lammeta, nasaba' KalenNa Allata'ala ampassareangi anjo pammetanga mae ri kau.

2 TIMOTIUS 2:3

Musti amminawang tongko angkasiaki kasessanga salaku surudadu majarre'Na Isa Almasi.

2 TIMOTIUS 4:7

Le'ba'ma' sanrapang amminawang appa'lumba sibaji'-baji'na, siagang anrapi'ma' battu mae ri bassika. Tuli anna'gala' majarreka' lalang tappakku mae ri Isa sanggenna kale'bakkanna.