NEHEMIA 3:1 - KITTA' MATANGKASA'

¹ Iaminne laporang ri passala' antekamma batena nipakabaji' tembo' kalli'na kota Yerusalem. Imang Lompoa niarenga Elyasib, siagang ngaseng aganna ambangungi ammotere' Pakke'bu' Lompo Gimbala', ampatabai sikamma pakke'bu'na siagang antangkasi poro untu' Batara. Iatommi ke'nanga ampakabajiki siagang antangkasi temboka sa'genna ri Menara Sibilangngang, kammayatompa sa'genna ri Menara Hananeel.

NEHEMIA 3:1 Iomraidhean Croise

NEHEMIA 12:10

Iaminne garisi' turunganna imang lompo Yesua: Yesua, Yoyakim, Elyasib, Yoyada,

NEHEMIA 12:30

Sikamma anjo imanga siagang tu Lewia appareki upacara mannangkasi kale, nampa mae ri ra'yaka, mae ri sikamma pakke'bu' lompoa siagang anjo tembo' kalli'na kotaya.

NEHEMIA 12:39

Nampa ammalo ikambe ri Pakke'bu' Lompo Efraim, Pakke'bu' Lompo Salloa, Pakke'bu' Lompo Juku', Menara Hananeel siagang Menara Mea sa'genna ri Pakke'bu' Lompo Gimbala'. Ammantangi barisanna ikambe ri ampi'na Pakke'bu' Lompo Pa'jagaang ri ampi'na Balla'Na Batara ri Yerusalem.

NEHEMIA 13:28

Anjo Yoyada ana'na Imang Lompo Elyasib. Mingka nia' sitau ana'na Yoyada a'jari mintu ri Sanbalat battu ri kota Bet-Horon. Lanri kammana kubongkai Yoyada battu ri Yerusalem.

NEHEMIA 13:4

Rioloanganna anjo Imang Elyasib, ia nisarea tugasa' untu' anjannangngi kamara'-kamara' parsadiaanga untu' Balla'Na Batara ri Yerusalem, nia' passisambungang bijanna siagang Tobia.

NEHEMIA 6:1

Nalangngere'mi Sanbalat, Tobia, Gesyem, siagang musu-musunna ikambe maraenga, angkana le'ba'mi napakabaji' ikambe anjo tembo' kalli'na kota Yerusalem, kammayatompa angkana sikontu so'boloka le'ba' ngasemmi nitongko'. Mingka anjo wattua tenapa nale'ba' nipataba papang pakke'bu'na sikamma pakke'bu' lompona kotaya.

NEHEMIA 7:1

Le'baki anjo tembo' kallika nibangung, kusuromi sollanna nipataba sikontu papang pakke'bu'na pakke'buka. Nampa kusuro sikamma pajaga pakke'bu' lompoa, sikamma pakelonga siagang sikamma tu Lewia massing anggaukangi tugasa'na ke'nanga.

PAMMUJI 30:1

Pammujina Daud. Kelong-kelong ri wattunna niresmikang Balla'Na Batara ri Yerusalem.

PAMMUJI 48:12

Boli'mi kamma ra'ya' Sion siagang Yehuda akkio' rannu, lanri Kihukkungi balinna ke'nanga.

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

PANGNGEBARANG 3:9

Pakala'biriki Batara siagang assareko koro'bang kaminang bajika battu ri barang-barang wassele' buttanu,

YEREMIA 31:38

Nakana Batara, “Lanarapiki sallang wattunna sikontu Yerusalem lanibangungi ammotere' a'jari kotaKu, battu ri Menara Hananeel sa'genna Pakke'bu' Lompo Panyingkuluka.

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.

ZAKHARIA 14:10

Sikontu pa'rasanganga appakkaramula battu ri Geba bageang wara' sa'genna Rimon ri bageang timboro', la'jari lappara' ngasengi. Mingka Yerusalem lammenteng tinggi nai', la'bi tinggiangngang nabutta niaka ri tammulilina; anjo kotaya la'la'baki appakkaramula battu ri Pakke'bu' Lompo Benyamin sa'genna mange ri Pakke'bu' Lompo Panyingkulu', iamintu tampa'na pakke'bu' lompo Makase'rea siagang battu ri Menara Hananel sa'genna mange ri tampa' pammaccokang anggoro'na karaenga.

YOHANES 5:2

Anjoreng ri Yerusalem, ri ampi'na tampa' niarenga “Pakke'bu' Gimbala',” nia' se're balang, niarenga Betsaida lalang bicara Ibranina. Anjoreng nia' lima paladang.

PAOLE 20:5

Nampa sikamma komandanga musti napabattu anne kana-kanaya mae ri sikamma tantaraya, ‘Niakka ri kau beru ambangung balla', mingka tenapa nappare' upacara kasukkurang? Punna nia', akkullei ammotere'. Saba' punna matei lalang pa'bundukang, tau maraeng lampammantangngi anjo ballaka.