NEHEMIA 2:5 - KITTA' MATANGKASA'

⁵ nampa kukana ri karaenga, “Punna kikaerokang karaeng, nakiero' anturukianga' pappalakku, kisuroma' mange ri butta Yehuda untu' ambangungi ammotere' kota tampa' pa'jerakkanna boe-boena atanta.”

NEHEMIA 2:5 Iomraidhean Croise

2 SAMUEL 14:22

Su'ju'mi Yoab ri dallekanna Daud, nampa nakana, “Poro Nabarakkaki laloki' Allata'ala karaeng! Kamma-kamma anne naassemmi atanta angkanaya kingai anne atanta lanri kiturukinna pappala'na atanta.”

EZRA 5:17

Punna kikellai karaeng, napalaki ikambe sollanna niparessa lalang ri sura'-sura' niaka niboli' ri kakaraenganga ri Babel. Lanri kammana akkullei niasseng apaka kammatojengi angkana nia' parentana Karaeng Kores untu' ambangungi ammotere' anjo Balla'Na Batara ri Yerusalem. Nampa natayang ikambe angkana antekamma kaputusanta karaeng, ri anne passalaka.”

NEHEMIA 2:4

Akkuta'nammi karaenga angkana, “Jari, apa nukaeroki?” Lalang atingku appala' doamma' ri Allata'ala makoasaya ri suruga;

NEHEMIA 2:6

Anjo wattua ammempoi karaenga ri sa'rinna ratua. Naturukiamma' pappalakku. Akkuta'nangi ri nakke angkana siapa salloku lammantang anjoreng siagang ringngapanna kulammotere'. Jari kupauammi tanggala' le'baka kupattantu.

ESTER 1:19

Lanri kammana, napalaki ikambe mae ri katte karaeng, sollanta angngalle kaputusang angkanaya tanipa'biangngami pole Ratu Wasti battu andallekang ri karaenga. Anjo kaputusanga musti nipa'jari undang-undang ri Persia siagang Media, sollanna takkullea nipinra ammotere'. Le'baki anjo kipassareammi anjo empoang ratua ri Wasti mae ri baine maraenga, ia bajikangnganga na ia.

ESTER 5:8

“Punna kierokangi karaeng anturukiangi pappala'na atanta, kuminasai nakibattu pole siagang Haman ri parjamuang lakupareka pole ammuko ri bangngia. Lalampi ri anjo parjamuanga nakupauangki' pappalakku ri katte.”

ESTER 7:3

Appialimi Ester angkana, “Punna kikaerokangi karaeng, napalaki atanta sollanna nipa'biang atanta siagang bansana atanta attallasa'.

ESTER 8:5

“Punna kikaerokangi karaeng, siagang kikamaseang anne atanta, appasulu' laloki' sura' parenta, untu' ambesoki ammotere' sikamma sura'-sura'na Haman ia assuro bunoai sa'genna la'busu' sikontu tu Yahudi niaka ri anne kakaraenganga.

PANGNGEBARANG 3:4

sollannu ningai siagang nipakala'biri' ri Allata'ala siagang ri rupataua.

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.

MATIUS 23:27

Cilaka ngaseng mako ikau guru-guru agamaya siagang tu Farisia, lanri nungaina assara-saraia! Sanrapangko jera' nice' keboka; sanna' ga'gana nicini' pantaranganna; mingka lalanganna rassi buku-buku sannaka ngaseng botto'na.

RUT 2:13

Appialimi Rut angkana, “Teai sipato' bajitta mae ri nakke Bapa', manna natena kusangkamma siagang pajama-jamata. Anjo somberetta teai sipato' nasaleorinna atingku.”