NEHEMIA 2:19 - KITTA' MATANGKASA'

¹⁹ Ri wattunna naasseng Sanbalat siagang Tobia kammayatompa Gesyem, tu Arab, anjo rancanana ikambe, nakakkalimi siagang nacau-caumi ikambe. Nakana ke'nanga, “Apa ngaseng lanugaukang? Apaka erokko apparicu angngewai karaenga?”

NEHEMIA 2:19 Iomraidhean Croise

NEHEMIA 13:28

Anjo Yoyada ana'na Imang Lompo Elyasib. Mingka nia' sitau ana'na Yoyada a'jari mintu ri Sanbalat battu ri kota Bet-Horon. Lanri kammana kubongkai Yoyada battu ri Yerusalem.

NEHEMIA 2:10

Mingka nalangngere'na Sanbalat, iamintu tu Bet-Horon, siagang Tobia, se're tunna'gala' jamang battu ri Amon, angkana battua' untu' kaparalluanna bansa Israel, a'jari sanna'mi birisi'na ke'nanga.

NEHEMIA 4:1

Nalangngere'na Sanbalat angkana ikambe tu Yahudia nipakabajiki tembo' kalli'na kotaya, a'jari sanna'mi larrona siagang appakkaramulami ancau-caui ikambe.

NEHEMIA 6:6

Na ia bonena anjo suraka iamintu: “Napakkontutojengi Gesyem nia'na kaba'-kabara' niaka nacarita bansa-bansa niaka ri tammulilina anne pa'rasanganga, angkanaya ikau siagang sikontu tu Yahudia a'rancanako ero' apparicu, na iaminjo saba'na nanupakabaji' tembo' kalli'na kotaya. Napau tongi angkanaya erokko angngangkaki kalennu a'jari karaeng Yehuda.

NEHEMIA 6:9

Nacoba-cobami ke'nanga anggarattaka' sollanna napammari ikambe anjo jama-jamanga. Appala' doamma' angkana, “O, Allata'ala, pakajarreki pa'maikku!”

AYUB 30:1

“Mingka anne kamma nicau-cauma' ri tau la'bi rungkaya. Riolo manggena ke'nanga sanna' kucini' irawana untu' anjagai gimbalakku siagang kongkong pakalawaki.

PAMMUJI 123:4

Sukku'mi batena ikambe nicau-cau ri tukalumanynyanga, siagang nitoa-toai ri tau borroa.

PAMMUJI 79:4

Nicau-caumi ikambe ri bansa-bansa siampi'na ikambe, nakakkalimi siagang nacau-caumi ikambe.

PAMMUJI 80:6

Kisarei ikambe karru' untu' sanrapang kanre, je'ne' mata a'jari sanrapang je'ne' inung.

PAMMUJI 80:7

Kibalang parekangi bansa-bansa siampi'na ikambe ampa'beserangi buttana ikambe ammakkala' sannang ngasemmi musu-musunna ikambe.

YESAYA 36:5

Nukanaka bicaraji bawang akkulle ansambeangi akkala' pa'bundukanga siagang kakassakanna tantaraya? Inaika nupattoang sa'gennu barani kamma angngewai Asyur?

YEREMIA 20:8

Punna kua'bicara, musti ammarranga' sigassing-gassingku, angkana, “Kapallakkang! Bala!” O Batara, Nicau-caua' ri kere-kere wattu, lanri kupabattuna pasanTa.

YEREMIA 41:10

Nampa najakkala' Ismael sikamma ana' bainena karaenga siagang sikontu tau niaka ija ri Mizpa le'baka napassareang Nebuzaradan mae ri Gedalya untu' najagai. Natahangi Ismael ke'nanga nampa a'lampa naerang ke'nanga mange ri daerana Amon.

MATIUS 9:24

Nakanamo Isa ri ke'nanga, “Assulu' ngasengko! Katena namate anne anaka, mingka attinronaja.” Ammakkala'mi taua angkakkali Isa.

MARKUS 5:40

Nikakkalimi Isa ri ke'nanga, lanri akkana kammana. Mingka Nasuro ngasemmi Isa assulu' ke'nanga. Nampa Naerang anrong-manggena anjo anaka siagang anjo tallua ana' gurunNa antama' ri kamara'na anjo anaka.

LUKAS 23:2

Anjoreng ri dallekanna Pilatus, nitudumi Isa ri ke'nanga. Nakana ke'nanga, “Anne taua nirapikangi Napasala oloangi ra'yaka. Naajara' salai taua sollanna tena naero' taua a'bayara' sima ri Karaenga, lanri Nakanana KalenNa Iami Almasi, Karaenga.”

YOHANES 19:12

Nalangngere'na Pilatus akkana kamma Isa, a'boyami cara antekamma nakkulle nalappassang Isa. Mingka ammarrang-marrammi tu Yahudia, angkana, “Punna kilappassangi antu Taua, teaiki' aganna Karaenga! Inai-nai nakana kalenna karaeng, iami musunna Karaenga!”

LAMPA-LAMPANA 24:5

Anne taua pangacoi siagang akkullei angngerang bahaya. Kemae-kemae appa'nia' karicuang ri alla'na tu Yahudia. Siagang iami a'jari pamimpinna tu Nazaretka.

IBRANI 11:36

Nia' nicau-cau, nicambo', nisikko' rante nampa nipantama' ri tarungkua.