NEHEMIA 2:14 - KITTA' MATANGKASA'

¹⁴ Nampa battu ri rayanganna kotaya a'jappa tulusu'mi ikambe a'lampa wara', mange ri Pakke'bu' Lompo Je'ne' Takkioroka siagang Kollang Karaenga. Mingka anjoreng tena oloang akkullea naolo keledaia, lanri jai duduna sesa-sesa rumbangngang.

NEHEMIA 2:14 Iomraidhean Croise

2 KARAENG-KARAENG 18:17

Mingka anjo karaeng Asyur akkiringi battu ri Lakhis pasukang lompo untu' ambunduki Yerusalem. Anjo pasukanga nipimpingi ri tallu perwira tinggia pangka'na, iamintu sitau panglima, sitau paurusu' inungang, siagang sitau kapala pangawala'na karaenga. Ri wattunna battu ke'nanga mange anjoreng ri kotaya, angngallemi ke'nanga tampa' ri kokoa, iamintu niarenga Koko Penatu ri ampi'na solongang a'lo'loroka battu ri balang bageang iratea.

2 KARAENG-KARAENG 20:20

Pau-pau maraengannaya ri passala'na Karaeng Hizkia, ri passala'na jasa-jasa kabaranianna, siagang antekamma batena appare' kollang siagang solongang je'ne' untu' ampa'lo'loroki je'neka mange ri kotaya, yangasenna niaki nicata' lalang ri kitta' “Riwaya'na sikamma karaeng Yehuda.”

2 PATTOTTORANG 32:30

Iaminne Karaeng Hizkia ampapparekangi kollang je'ne' assolonga battu ri timbuseng je'neka ri Gihon, nampa napasolong je'neka battu ri solongang niaka irawanganna buttaya antama ri kota Yerusalem. Nanjari kabusu' anjo apa najamaya Hizkia.

NEHEMIA 12:37

Anrapiki mange ri Pakke'bu' Lompona Je'ne' Takkioroka, a'bilu'mi ke'nanga nampa angngambi' ri tuka' kotana Daud, ammalo ri balla' lompona Daud, nampa ammotere' mange ri tembo' ri Pakke'bu' Lompo Je'ne' ri bageang rayana kotaya.

KATO'BA 2:6

Angngekea' kollang untu' a'jari je'ne' panai' mae ri anjo pa'lamung-lamunganga siagang koko-kokoa.