NEHEMIA 2:10 - KITTA' MATANGKASA'

¹⁰ Mingka nalangngere'na Sanbalat, iamintu tu Bet-Horon, siagang Tobia, se're tunna'gala' jamang battu ri Amon, angkana battua' untu' kaparalluanna bansa Israel, a'jari sanna'mi birisi'na ke'nanga.

NEHEMIA 2:10 Iomraidhean Croise

NEHEMIA 13:1

Ri wattunna nibaca ri dallekanna ra'yaka hukkung Musa, nigappami kasingarang angkanaya: ‘Tu Amon siagang tu Moab, tena sikali nakkulle sicampuru' siagang umma'Na Allata'ala;

NEHEMIA 13:28

Anjo Yoyada ana'na Imang Lompo Elyasib. Mingka nia' sitau ana'na Yoyada a'jari mintu ri Sanbalat battu ri kota Bet-Horon. Lanri kammana kubongkai Yoyada battu ri Yerusalem.

NEHEMIA 13:4

Rioloanganna anjo Imang Elyasib, ia nisarea tugasa' untu' anjannangngi kamara'-kamara' parsadiaanga untu' Balla'Na Batara ri Yerusalem, nia' passisambungang bijanna siagang Tobia.

NEHEMIA 2:19

Ri wattunna naasseng Sanbalat siagang Tobia kammayatompa Gesyem, tu Arab, anjo rancanana ikambe, nakakkalimi siagang nacau-caumi ikambe. Nakana ke'nanga, “Apa ngaseng lanugaukang? Apaka erokko apparicu angngewai karaenga?”

NEHEMIA 4:7

Ri wattunna nalangngere' Sanbalat, Tobia siagang tu battua ri Amon, tu battua ri Asdod kammayatompa tu Arab, angkana pila' majumi pakabajikanna anjo tembo' kallika ri Yerusalem, kammayatompa appakkaramulami nitongko' sikamma kali'bonna anjo temboka, a'jari teaimi sipato' larrona ke'nanga.

NEHEMIA 6:1

Nalangngere'mi Sanbalat, Tobia, Gesyem, siagang musu-musunna ikambe maraenga, angkana le'ba'mi napakabaji' ikambe anjo tembo' kalli'na kota Yerusalem, kammayatompa angkana sikontu so'boloka le'ba' ngasemmi nitongko'. Mingka anjo wattua tenapa nale'ba' nipataba papang pakke'bu'na sikamma pakke'bu' lompona kotaya.

NEHEMIA 6:16

Nalangngere'na musu-musunna ikambe, ia niaka ri alla'na bansa-bansa attammulilia anjoreng, kabara'na anjo passalaka, malla'mi latu'guru' siri' ke'nanga. Nasaba' sikontu taua naassengi angkanaya anjo jamanga nigaukangi lalang pannulunNa Allata'ala.

ESTER 10:3

Mordekhai, anjo tu Yahudia, tuli naempoina anjo pangka' kaminang tinggia, irawangang kalenna Karaeng Ahasyweros. Anjo Mordekhai nipakalompoi siagang ningai ri sikamma julu bansana. Usahai untu' kasalamakkanna siagang kasalewanganna bansana kammayatompa sikontu turunganna ke'nanga.

PAMMUJI 112:10

Niciniki ri tau ja'dalaka siagang a'jari larroi; nakantisiki giginna ke'nanga lanri birisi'na. Nampa posso'mo ke'nanga; tappela'mi panrannuanna ke'nanga satunggu-tungguna.

PANGNGEBARANG 27:4

Anjo larroa pallaki siagang ammanraki, mingka inai akkulle attahang andallekangi akkimburua?

PANGNGEBARANG 30:22

se'rea ata a'jari karaeng, tutolo anggappai sikontu apa nakaerokia,

KATO'BA 10:7

Le'baki kucini' ata-ataya a'dongko' jarang nampa bija karaenga a'jappa bangkeng sangkamma ata.

YESAYA 15:5

Kukamaseangi Moab! Pandudu'na a'lette'mi mange ri kota Zoar siagang Eglat-Selisia. Nia' angngambi' ri oloang mangea ri Luhit nampa angngarru'; nia' lari mange ri Horonaim nampa ammarrang-marrang natuju bala.

YEREMIA 41:10

Nampa najakkala' Ismael sikamma ana' bainena karaenga siagang sikontu tau niaka ija ri Mizpa le'baka napassareang Nebuzaradan mae ri Gedalya untu' najagai. Natahangi Ismael ke'nanga nampa a'lampa naerang ke'nanga mange ri daerana Amon.

YEREMIA 48:34

Tu Hesybon siagang tu Eleale angngarruki, nakalangngerang karru'na sa'genna mange ri Yahas, siagang kalangngerang tongi mae ri tau battua ri Zoar sa'genna mange ri Horonaim siagang Eglat-Selisia. Angngarruki ke'nanga lanri manna je'neka ri pangkana Binanga Nimrim kalotoro' ngasemmi.

YEREMIA 48:5

Pilangngeri sa'ra karru' ri oloang naika ri Luhit, siagang sa'ra piraunga ri oloang naunga ri Horonaim.

LAMPA-LAMPANA 4:2

Larromi ke'nanga lanri napauna Petrus siagang Yohanes mae ri taua angkanaya attallasa' poleammi Isa battu ri kamateanga. Na iaminjo a'jari butti angkana lattallasa' poleangi tau matea.

LAMPA-LAMPANA 5:24

Ri wattunna nalangngere' perwira pangawalaka ri Balla'Na Batara siagang imang-imang kapalaya anjo laporanga, lingumi ke'nanga annawa-nawai passala'na anjo tunisuroNa Allata'ala. Siagang malla'mi ke'nanga ampikkiriki angkana apa are kutadeng lakajariang.