NEHEMIA 13:7 - KITTA' MATANGKASA'

⁷ untu' ammotere' mange ri Yerusalem. Battuku mae anrinni, ta'bangkama' kuassenna angkana napassareangi Elyasib mae ri Tobia se're kamaraka ri Balla'Na Batara ri Yerusalem.

NEHEMIA 13:7 Iomraidhean Croise

1 PATTOTTORANG 3:24

Elyoënai nia' tuju ana'na bura'ne, iamintu: Hodawya, Elyasib, Pelaya, Akub, Yohanan, Delaya, siagang Anani.

EZRA 9:1

Ri le'ba'namo nigaukang ngaseng sikammaya anjo, nia'mo siapa are tutoa-toana bansa Israel battu mae ri nakke. Napauanga' ke'nanga angkanaya ra'ya' Israel, kammayatompa sikamma imanga, siagang sikamma tu Lewia, tena nanasa'laki kalenna ke'nanga battu ri bansa-bansa maraeng niaka a'reppese' anjoreng, iamintu bansa Amon, Moab, Mesir, Kanaan, Het, Feris, Yebus siagang Amori. Ba'lalo manna sikamma imanga siagang tu Lewia appakamma ngaseng tongi. Nagaukang ngaseng tongi ke'nanga panggaukang-panggaukang sannaka ja'dala'na, ia nagaukanga anjo bansa-bansa maraenga.

NEHEMIA 13:1

Ri wattunna nibaca ri dallekanna ra'yaka hukkung Musa, nigappami kasingarang angkanaya: ‘Tu Amon siagang tu Moab, tena sikali nakkulle sicampuru' siagang umma'Na Allata'ala;

NEHEMIA 13:5

Elyasib napassareangi mae ri Tobia se're kamara' lompo, ia sitojenna nipasadiaya poro untu' amboliki passare gandunga, kamanynyanga, sikamma pakkakasa' Balla'Na Batara, passare untu' imang-imanga, passare bage sampulona gandunga, anggoro', siagang minynya' zaitun, ia lanibage-bagea mae ri tu Lewi, sikamma pamusika siagang pajaga pakke'bu' lompona Balla'Na Batara ri Yerusalem.

PIRAUNG 1:10

Sikontu barang-baranna niallemi ri musu-musunna. Ba'lalo musti nacini'mi ke'nanga antama ri Balla'Na Allata'ala, panggaukang tenaya Nikellai ri Batara punna teai umma'Na.

1 KORINTUS 1:11

Nasaba' nia' tau battu ri balla'na Kloë ampabattui ri nakke angkanaya nia' passigea'-geakkang ri kau ngaseng.