NEHEMIA 13:31 - KITTA' MATANGKASA'

³¹ Kuatoro' tommi sollanna ri wattu-wattu attantua, akkullei napasadia ra'yaka kayu tunua untu' koro'bang nitunua siagang akkulle angngerang passare battu ri wassele' bungasa'na lamung-lamunna ke'nanga. Kala'busanna appala' doamma' angkana, “O, Allata'alaku, Kiu'rangi ngasengi anne siagang Kibarakkakia'.”

NEHEMIA 13:31 Iomraidhean Croise

NEHEMIA 10:34

Ikambe ra'yaka, imang-imanga, siagang tu Lewia, lanigoccangi taung-taung untu' appattantui angkanaya inai musti appasadia kayu tunu untu' sikamma koro'banga, lanipassareanga mae ri Karaeng Allata'alana ikambe, manuru' paratorang Hukkunga.

NEHEMIA 10:35

Taung-taungi ikambe langngerang mange ri Balla'Na Batara ri Yerusalem iamintu gandung wassele' uru-urua siagang rappo-rappoang uru ti'noka ri poko' lamung-lamunna ikambe.

NEHEMIA 10:38

Mingka nia' sitau imang turungang battua ri Harun musti anrurungangi ke'nanga anjo tu Lewia, punna napasse're ke'nanga anjo sikamma passarea. Nabage sampulona anjo sikamma passarea musti nierangi ri tu Lewia mange ri kamara'-kamara' parsadiaanga ri Balla'Na Batara ri Yerusalem.

NEHEMIA 13:14

O, Allata'alaku, Kiu'rangi sikontu apa le'baka kugaukang untu' BallatTa ri Yerusalem siagang palayananna.

NEHEMIA 13:22

Nampa kusuro tu Lewia appare' upacara pannangkasi kale siagang sikamma pajaga pakke'bu' lompoa untu' anjannangngi sollanna napakalompo taua anjo allo Pammari-marianga. Appala' doanga' angkana, “O, Allata'ala, Kiu'rangia' lanri anjo todong passalaka, siagang kamaseanga' situru' lompona pangngamaseanTa.”

NEHEMIA 5:19

Kupalaki o, Allata'ala, Kiu'rangi anne sikamma apa le'baka kugaukang untu' anne bansaya, siagang poro Kibarakkakia'.

PAMMUJI 106:4

Kiu'rangia', o, Batara, lanri kabajikanTa mae ri ummatTa, Kitulung tonga' punna Kipasalama' ke'nanga.

PAMMUJI 25:7

Pammopporangi dosaku siagang kasalangku ri wattu rungkaku, u'rangia' situru' pangngamaseanTa siagang kabajikanTa.

LUKAS 23:42

Nampa nakana mae ri Isa, “Isa, U'rangi tonga' sallang punna battuKo a'jari Karaeng!”