NEHEMIA 13:3 - KITTA' MATANGKASA'

³ Ri wattunna nalangngere' bansa Israel anjo passala' kammaya, nasa'la'mi sikontu bansa maraenga battu ri ra'ya' Israel.

NEHEMIA 13:3 Iomraidhean Croise

EZRA 10:11

Lanri kammana, akuimi sikamma dosanu ri Allata'ala, ia nasombaya boe-boeta, nampa nugaukang apa appakasannanga ri pa'mai'Na. Pakabellai kalennu battu ri bansa maraeng niaka ammantang ri pa'rasanganta siagang bongkai anjo sikamma bainennu battua ri bansa maraenga.”

EZRA 9:2

Tubura'-bura'ne Yahudia a'buntingi siagang baine bansa maraenga, sa'genna umma'Na Batara le'baka Nasa'la', tenamo natangkasa'. Ba'lalo ia kaminang rioloa anggaukangi anjo kammaya, iamintu sikamma tutoa-toana siagang pamarentana Israel.

NEHEMIA 10:28

Ikambe, ra'ya' Israel, sikamma imanga, tu Lewi, sikamma pajaga pakke'bu' lompona Balla'Na Batara, sikamma pakarena musika, siagang sikamma pajamaya ri Balla'Na Batara ri Yerusalem, kammayatompa bainenna ikambe siagang ana'-ana' anggannakamo umuru'na untu' ammahang, sikamma tau mannurukia mae ri hukkunNa Allata'ala siagang ia le'bakamo ansa'laki kalenna battu ri bansa maraeng ammantanga ri pa'rasanganna ikambe.

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PAMMUJI 119:9

Tau rungkaya akkullei najagai tallasa'na natena callanna punna attallasaki situru' parentaTa.

KALAPPASSANG 12:38

Jai sikali sapi naerang ke'nanga, kammayatompa gimbalaka siagang bembea. Jai todong bansa maraeng amminawang.

PANGNGEBARANG 6:23

Anjo pitunju'-pitunju'na tau toanu sanrapangi lampu singaraka; pappasailena ke'nanga napicinikiangko antekamma nikanaya tallasa' baji'.

PAMMILANGNGANG 11:4

Lalang pa'jappanna anjo tu Israel nia' todong bansa maraeng amminawang. Ero' dudui anjo ke'nanga angnganre dageng, nampa appakkaramula tommo tu Israel akkunrareng. Nakanamo ke'nanga, “Ah, coba nania' mamo dageng untu' nikanre-kanre!

ROMA 3:20

Nasaba' tena manna sitau akkulle assibajiki siagang Allata'ala lanri nagaukanna apa-apa niaka tattulisi' lalang ri hukkung-hukkung agamaya. Ba'lalo anjo hukkung-hukkunga poro napappiassenganji bawang mae ri rupataua angkanaya ma'nassa dorakai rupataua.

YAKOBUS 1:27

Tutu situlusu'na siagang sitojennaya ri agamaya situru' paccini'Na Allata'ala, iamintu annulunga ana'-ana' kukang siagang janda-janda kasi-asi, kammayatompa mangngatutui ri kale sollanna tena nanipanraki ri anne linoa.