NEHEMIA 13:28 - KITTA' MATANGKASA'

²⁸ Anjo Yoyada ana'na Imang Lompo Elyasib. Mingka nia' sitau ana'na Yoyada a'jari mintu ri Sanbalat battu ri kota Bet-Horon. Lanri kammana kubongkai Yoyada battu ri Yerusalem.

NEHEMIA 13:28 Iomraidhean Croise

EZRA 10:8

Inai-nai tena nabattu lalanna tallungalloa, lanialleang ngasengi sikontu barang-baranna siagang tenamo nanibilangi anggota masaraka'. Anjo apa nipa'la'banga nipabattu nitekengi ri sikamma pamimpinna ra'yaka.

NEHEMIA 12:10

Iaminne garisi' turunganna imang lompo Yesua: Yesua, Yoyakim, Elyasib, Yoyada,

NEHEMIA 12:22

Dattara' ri sesena sikamma kapala kaluarga tu Lewi siagang kaluarga imanga le'ba'mi nicata' ri jammang sikamma imang lompoa, iamintu: Elyasib, Yoyada, Yohanan, siagang Yadua. Anjo catatanga le'baki ri wattunna Darius ammarenta salaku karaeng Persia.

NEHEMIA 13:25

Kupakaingaki ke'nanga siagang kutunrai ke'nanga. Nia' todong kuba'ji siagang kuparuntang uu'na. Nampa kusuro ke'nanga assumpa lalang arenNa Allata'ala angkana ke'nanga siagang ana'-ana'na ke'nanga tenamo nalasicampuru' a'bunting pole.

NEHEMIA 2:10

Mingka nalangngere'na Sanbalat, iamintu tu Bet-Horon, siagang Tobia, se're tunna'gala' jamang battu ri Amon, angkana battua' untu' kaparalluanna bansa Israel, a'jari sanna'mi birisi'na ke'nanga.

NEHEMIA 2:19

Ri wattunna naasseng Sanbalat siagang Tobia kammayatompa Gesyem, tu Arab, anjo rancanana ikambe, nakakkalimi siagang nacau-caumi ikambe. Nakana ke'nanga, “Apa ngaseng lanugaukang? Apaka erokko apparicu angngewai karaenga?”

NEHEMIA 3:1

Iaminne laporang ri passala' antekamma batena nipakabaji' tembo' kalli'na kota Yerusalem. Imang Lompoa niarenga Elyasib, siagang ngaseng aganna ambangungi ammotere' Pakke'bu' Lompo Gimbala', ampatabai sikamma pakke'bu'na siagang antangkasi poro untu' Batara. Iatommi ke'nanga ampakabajiki siagang antangkasi temboka sa'genna ri Menara Sibilangngang, kammayatompa sa'genna ri Menara Hananeel.

NEHEMIA 4:1

Nalangngere'na Sanbalat angkana ikambe tu Yahudia nipakabajiki tembo' kalli'na kotaya, a'jari sanna'mi larrona siagang appakkaramulami ancau-caui ikambe.

PAMMUJI 101:8

Allo-alloi lakupaccappu' sikamma tau ja'dalaka ri anne pa'rasanganga. Sikontu tau manggaukanga kaja'dallang lakupa'lanynyaki battu ri kotaNa Batara.

PANGNGEBARANG 20:26

Karaeng cara'deka naassengi angkana inai tau ja'dala'; lanahukkungi na tanapammopporangnga ke'nanga.

PANGNGEBARANG 20:8

Punna ammempo karaenga ri kaderaya ri pangadelang, akkullei nacini' sikontu tau ja'dalaka.