NEHEMIA 13:25 - KITTA' MATANGKASA'

²⁵ Kupakaingaki ke'nanga siagang kutunrai ke'nanga. Nia' todong kuba'ji siagang kuparuntang uu'na. Nampa kusuro ke'nanga assumpa lalang arenNa Allata'ala angkana ke'nanga siagang ana'-ana'na ke'nanga tenamo nalasicampuru' a'bunting pole.

NEHEMIA 13:25 Iomraidhean Croise

2 KARAENG-KARAENG 2:24

Assailemi Elisa na naciniki ke'nanga siagang nasumpai ke'nanga lanri arenNa Batara. Anjo memang wattua nia'mo ruang kayu macang gana assulu' battu lalang ri romanga nampa nakae-kae kalenna patampulo anrua tau battu ri anjo ana'-anaka.

EZRA 10:5

Jari appakkaramulami Ezra angngalle tindakang. Nasuromi imang-imang kapalaya, sikamma tu Lewia, kammayatompa tu Israel maraengannaya untu' assumpa angkanaya lanagaukangi ke'nanga sangkamma anjo napakkanaya Sekhanya.

EZRA 7:26

Inai-nai tena namannuruki hukkung-hukkunNa Allata'alanu, yareka hukkung-hukkung kakaraenganga, musti nihukkung matei linta', yareka nipelaki, yareka nirampasaki barang-baranna, yareka nitarungkui.”

NEHEMIA 13:11

Kupakainga'mi sikamma tutoa-toana ke'nanga lanri nalappassanna ke'nanga taniurusa Balla'Na Batara. Nampa kukio' ammotere' sikamma tu Lewia siagang pakarena musika, nampa kusuro anggaukangi ammotere' tugasa'na ke'nanga.

NEHEMIA 13:17

Kupakaingaki sikamma pamimping Yehuda kukana, “Tanuassengaika kalennu angkana a'gau' ja'dalakko lanri nura'massinna allo Pammari-marianga?

NEHEMIA 13:24

Bageruanna ana'-ana'na ke'nanga tanaassengami bicara Yahudia, mingka bicara Asdod mami yareka bicara bansa maraengannaya.

NEHEMIA 5:13

Nampa kusungke kaeng passikko' ayakku nampa kupabe'bese' siagang kukana, “Kammaminne caraNa Allata'ala lampabe'besekko ikau tau tenaya nurupai janjinnu. Anjo taua lasurokaui tallasa'na, balla'na kammayatompa sikontu pa'barang-baranganna lanaallei Allata'ala!” Appialimi sikamma tau hadereka ri anjo passirapakkanga angkana, “Aming!” Nampa ammuji ke'nanga ri Batara. Jari narupaimi janjinna sikamma anjo pamimpinga.

NEHEMIA 5:6

Kulangngere'na akkunrareng ke'nanga, teaimi sipato' larroku.

PAMMUJI 119:53

Sanna' larroku mae ri tau ja'dalaka, lanri nabokoi hukkunTa.

PAMMUJI 15:4

ancini' tunayai tu nitollaka ri Allata'ala, mingka napakala'biriki tu mappilangngeria; anrupaiyai janjinna, manna pole narugi

KALAPPASSANG 34:16

Punna a'bunting ana'-ana'nu siagang bai'-baine bansa maraeng, laninyonyoki ke'nanga ri anjo bai'-bainea untu' ambokoiA' nampa anynyomba ri rewata-rewatana ke'nanga.

PANGNGEBARANG 28:4

Inai tanjampangiai hukkunga, agangi tau ja'dalaka; inai mannuruki ri hukkung, nabaliangi tau bambalaka.

YESAYA 50:6

Kutannangngangi dongkokku tau eroka amba'jia'; na pilisikku mae ri tau eroka ambi'buki janggokku. Tena nakugilingi rupangku ri wattungku nihina siagang nipi'rui.

PAOLE 6:13

Pakala'biriki Batara, Allata'alanu, siagang Ia bawang nusomba; siagang punna assumpako, gaukammi anjo lanri arenNa bawang.

PAOLE 7:3

Takkulleako a'bunting siagang ke'nanga, siagang teako pa'biangngi ana'-ana'nu a'bunting siagang ke'nanga,

YOSUA 23:12

Punna tena namajarre' pa'mai'nu siagang punna assileokko siagang bansa-bansa niaka ija ammantang ri alla'nu, kammayatompa punna a'buntingko siagang ke'nanga,