NEHEMIA 13:23 - KITTA' MATANGKASA'

²³ Anjo wattua nia' todong kucini' angkana jai tu Yahudi a'bunting siagang baine battua ri bansa Asdod, Amon, siagang Moab.

NEHEMIA 13:23 Iomraidhean Croise

1 KARAENG-KARAENG 11:1

Karaeng Salomo jai baine battu pantara' nangai. Pantaranganna ana' bainena karaeng Mesir, a'nikka tongi Salomo siagang baine-baine battua ri Het, Moab, Amon, Edom, siagang Sidon.

EZRA 10:10

Nampa ammentemmo Ezra a'bicara mae ri ke'nanga. Nakanamo, “Doraka ngaseng mako siagang nutambaimi kasalanna tu Israel lanri a'buntinnu siagang baine bansa maraenga.

EZRA 10:44

Sikontu anjo taua le'baki a'bunting siagang baine battua ri bansa maraenga. Jari natalla' ngasemmi ke'nanga anjo massing bainenna nampa nabongka siagang massing ana'-ana'na ke'nanga.

NEHEMIA 10:30

Assumpami ikambe untu' tala'buntinga accampuru' siagang bansa-bansa maraeng niaka ammantang ri pa'rasanganna ikambe.

NEHEMIA 10:31

Punna nia' bansa maraeng ero' ambalukangi gandunna yareka barang-barang apa mamo mae ri kambe ri allo Pammari-marianga yareka allo nipakatangkasaka maraengannaya, talanaballiai ikambe. Punna narapi' taung-taung makatujua, talanjamayai ikambe ri kokoa siagang talanasingarai pangnginranganna ikambe.

NEHEMIA 13:1

Ri wattunna nibaca ri dallekanna ra'yaka hukkung Musa, nigappami kasingarang angkanaya: ‘Tu Amon siagang tu Moab, tena sikali nakkulle sicampuru' siagang umma'Na Allata'ala;

NEHEMIA 13:24

Bageruanna ana'-ana'na ke'nanga tanaassengami bicara Yahudia, mingka bicara Asdod mami yareka bicara bansa maraengannaya.

NEHEMIA 13:27

Teai sipato' ja'dala'na ngaseng panggaukannu. Baraniko angngewai Allata'ala lanri a'buntingko siagang bai'-baine battua ri bansa maraeng!”

NEHEMIA 4:7

Ri wattunna nalangngere' Sanbalat, Tobia siagang tu battua ri Amon, tu battua ri Asdod kammayatompa tu Arab, angkana pila' majumi pakabajikanna anjo tembo' kallika ri Yerusalem, kammayatompa appakkaramulami nitongko' sikamma kali'bonna anjo temboka, a'jari teaimi sipato' larrona ke'nanga.

KALAPPASSANG 34:11

Mannurukiko ri hukkung-hukkung Kupassareanga mae ri kau anne alloa. LaKubongkai a'lampa bansa Amori, Kanaan, Het, Feris, Hewi siagang Yebus ri wattunnu maju mae ri ke'nanga.

2 KORINTUS 6:14

Teako eroki sipa'rappungang siagang tau tenaya naero' tappa' mae ri Isa; tena nacoco' anjo kammaya. Antekamma olona lakkulle a'jari se're kabajikanga siagang kaja'dallanga? Tena olona lakkulle a'jari se're singaraka siagang sassanga.

PAOLE 7:1

“LaNaerangko Karaeng Allata'alanu mange ri pa'rasangang lanupammantangngia, siagang jai bansa laNabongka battu anjoreng. LaNabongkai tujua bansa la'bi lompo siagang la'bi kassakkangngang na ikau ri dallekang matannu, iamintu: Tu Het, Girgasi, Amori, Kanaan, Feris, Hewi siagang Yebus.

RUT 1:4

Na anjo ruaya ana'na a'buntimmi siagang tulolo niaka ri Moab, iamintu niarenga Orpa siagang Rut. Sampulo taung ribokoanganna,

1 SAMUEL 5:1

Le'ba'na narampasa' tu Filistin Patti ParjanjianNa Allata'ala, naerammi ke'nanga battu ri Eben-Haezer mange ri kotana ke'nanga, iamintu Asdod.