NEHEMIA 13:22 - KITTA' MATANGKASA'

²² Nampa kusuro tu Lewia appare' upacara pannangkasi kale siagang sikamma pajaga pakke'bu' lompoa untu' anjannangngi sollanna napakalompo taua anjo allo Pammari-marianga. Appala' doanga' angkana, “O, Allata'ala, Kiu'rangia' lanri anjo todong passalaka, siagang kamaseanga' situru' lompona pangngamaseanTa.”

NEHEMIA 13:22 Iomraidhean Croise

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

2 KARAENG-KARAENG 23:4

Le'baki anjo naparentakammi karaenga mae ri Imang Lompo Hilkia, sikamma imang pambantua siagang sikamma pangawala' tugasaka ri pakke'bu' Balla'Na Batara, sollanna napasulu' battu ri anjo Ballaka sikontu pakkakasa' le'baka nipake untu' anynyomba ri Baal, Dewi Asyera, siagang bintoeng-bintoenga. Sikontu anjo barang kammaya natunui Karaeng Yosia ri pantaranna kotaya ri ampi'na Ka'bung Lappara' Kidron, nampa nierang auna mange ri Betel.

2 PATTOTTORANG 29:24

Le'baki anjo, nisamballe ngasemmi anjo bembea ri imang-imanga, nampa napatiri' cera'na mae ri tampa' pakkoro'bangngang salaku koro'bang pammopporo' dosana sikontu ra'yaka. Nagaukangi ke'nanga anjo gau' kammaya lanri le'baki naparentakang karaenga sollanna assare taua koro'bang nitunu siagang koro'bang pammopporo' dosa untu' sikontu ra'ya' Israel.

2 PATTOTTORANG 29:27

Assaremi tanra Hizkia sollanna nipakaramulamo anjo upacara assarea koro'bang. Lalang nipassareanna anjo koro'banga, appakkaramulami taua akkelong kelong pammuji mae ri Batara, siagang sikamma pakarena musika napasa'rami tarompe'na siagang pakkakasa' musi' maraengannaya.

2 PATTOTTORANG 29:30

Karaenga siagang pamimping-pamimpinna ra'yaka nasuroi akkelong tu Lewia untu' angkelongangi kelong-kelong le'baka napare' Daud siagang Na'bi Asaf. Rannu kabusu'mi pa'mai'na sikontu taua nampa akkulantu' siagang anynyomba ri Allata'ala.

NEHEMIA 12:10

Iaminne garisi' turunganna imang lompo Yesua: Yesua, Yoyakim, Elyasib, Yoyada,

NEHEMIA 12:30

Sikamma anjo imanga siagang tu Lewia appareki upacara mannangkasi kale, nampa mae ri ra'yaka, mae ri sikamma pakke'bu' lompoa siagang anjo tembo' kalli'na kotaya.

NEHEMIA 13:14

O, Allata'alaku, Kiu'rangi sikontu apa le'baka kugaukang untu' BallatTa ri Yerusalem siagang palayananna.

NEHEMIA 13:31

Kuatoro' tommi sollanna ri wattu-wattu attantua, akkullei napasadia ra'yaka kayu tunua untu' koro'bang nitunua siagang akkulle angngerang passare battu ri wassele' bungasa'na lamung-lamunna ke'nanga. Kala'busanna appala' doamma' angkana, “O, Allata'alaku, Kiu'rangi ngasengi anne siagang Kibarakkakia'.”

NEHEMIA 5:19

Kupalaki o, Allata'ala, Kiu'rangi anne sikamma apa le'baka kugaukang untu' anne bansaya, siagang poro Kibarakkakia'.

PAMMUJI 130:7

Manrannuangko mae ri Batara, he umma'Na, saba' Ia tuli mangngamaseanna, siagang tulusu' sadiana ero' appasalama'.

PAMMUJI 5:7

Kipossoki tu nangaia a'balle-balle, Kicini' irawai patipua siagang pabuno-bunoa.

PAMMUJI 51:1

Untu' pamimpin pakelong. Pammuji natulisika Daud

YESAYA 38:3

“O, Batara, Kiu'rangi laloi angkanaya inakke anne le'ba'ma' allayaniKi' siagang pa'mai' tamamminraku, kammayatompa situlusu'na atingku. Tuli kuusahaimi mannuruki ri erotTa.” Nampa angngarru' pacce Hizkia.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

PAOLE 5:12

Pakalompoi Allo Pammari-mariang siagang pakala'biriki salaku allo matangkasa', nasaba' iNakkemi Karaeng Allata'alanu amparentakangi mae ri kau.