NEHEMIA 13:17 - KITTA' MATANGKASA'

¹⁷ Kupakaingaki sikamma pamimping Yehuda kukana, “Tanuassengaika kalennu angkana a'gau' ja'dalakko lanri nura'massinna allo Pammari-marianga?

NEHEMIA 13:17 Iomraidhean Croise

NEHEMIA 13:11

Kupakainga'mi sikamma tutoa-toana ke'nanga lanri nalappassanna ke'nanga taniurusa Balla'Na Batara. Nampa kukio' ammotere' sikamma tu Lewia siagang pakarena musika, nampa kusuro anggaukangi ammotere' tugasa'na ke'nanga.

NEHEMIA 13:16

Siapa are tau battu ri Tirus ammantanga ri Yerusalem angngerang juku' siagang a'rupa-rupa barang balu'-balukang mange ri Yerusalem ri allo Pammari-marianga, untu' lanabalukang mae ri tu Yahudi.

NEHEMIA 13:25

Kupakaingaki ke'nanga siagang kutunrai ke'nanga. Nia' todong kuba'ji siagang kuparuntang uu'na. Nampa kusuro ke'nanga assumpa lalang arenNa Allata'ala angkana ke'nanga siagang ana'-ana'na ke'nanga tenamo nalasicampuru' a'bunting pole.

NEHEMIA 5:7

Kupattantumi angkana langngallea' tindakang. Nampa kupakainga'mo sikamma tutoa-toana ra'yaka siagang sikamma pamimpinna ra'yaka. Kukana ri ke'nanga, “Angngapa nanujallakkang sikamma sari'battannu tonji?” Nampa appare'ma passirapakkang siagang tau jaia untu' a'boya cara untu' ambantui ke'nanga ri kasusaanga.

PANGNGEBARANG 28:4

Inai tanjampangiai hukkunga, agangi tau ja'dalaka; inai mannuruki ri hukkung, nabaliangi tau bambalaka.

YESAYA 1:10

Yerusalem, sikamma pamimpinnu siagang bansanu, a'jari sangkammami tu Sodom siagang tu Gomora. Pilangngerimi apa Nakanaya Batara mae ri kau; parhatikangi apa Napangngajarranga Allata'alata.

YEREMIA 13:18

Nakana Batara ri nakke, “Suroi karaenga siagang amma'na naung battu ri empoang kakaraenganna, nasaba' anjo songko' karaeng ga'gana tu'guru'mi battu ri ulunna.

YEREMIA 5:5

Baji'mi nakua'lampa mae ri sikamma tumalompoa, nampa a'bicara siagang ke'nanga. Mattantu naassengi ke'nanga apa Nakaerokia siagang Natuntuka Karaeng Allata'ala battu ri ke'nanga.” Mingka, yangasenna anjo ke'nanga tena todong naero' Niparenta ri Batara; taerokai ke'nanga mannuruki ri Ia.

YEHEZKIEL 20:13

Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.

KAIMANGNGANG 19:17

Teako pammoli'-molikangngi parannu tau, manna pole inai. Pakabajiki punna nia' passisala-salannu manna pole inai nuagang sisala-sala, sollanna tena nudoraka passabakkang tau maraeng.

MIKHA 3:1

Pilangngeri, he ikau sikamma tukoasana Israel! Mustina nuassengi nikanaya apa adele',

MIKHA 3:9

Pilangngeri anne kana-kanangku, he ikau ngaseng tukoasana Israel nakabirisia kaadelanga siagang amputara' balekai katojenganga.