NEHEMIA 13:16 - KITTA' MATANGKASA'

¹⁶ Siapa are tau battu ri Tirus ammantanga ri Yerusalem angngerang juku' siagang a'rupa-rupa barang balu'-balukang mange ri Yerusalem ri allo Pammari-marianga, untu' lanabalukang mae ri tu Yahudi.

NEHEMIA 13:16 Iomraidhean Croise

NEHEMIA 13:15

Ri anjo jammanga kuciniki angkanaya nia' siapa are tu Yehuda ammacco' anggoro' ri allo Pammari-marianga. Nia' pole maraeng angngerang gandung, anggoro', rappo anggoro', rappo ara siagang barang-barang maraeng irate ri keledaina nampa naerang mange ri Yerusalem. Kupisangkai ke'nanga ambalukangi ri Yerusalem.

NEHEMIA 13:17

Kupakaingaki sikamma pamimping Yehuda kukana, “Tanuassengaika kalennu angkana a'gau' ja'dalakko lanri nura'massinna allo Pammari-marianga?

KALAPPASSANG 20:10

mingka allo makatujua iamintu allo pammari-mariang ia nisa'laka untu' iNakke. Anjo alloa manna sitau takkulleai anjama, baji' naikau, kammayatompa ana'-ana'nu, ata-atannu, olo'-olo'nu yareka tau annompanga lalang ri pa'rasangannu.

KALAPPASSANG 23:12

Annangallo akkulleko anjama; mingka ri allo makatujua musti ammari-mariko, sollanna ammari-mari todong olo'-olo'nu, ata-atannu, siagang bansa maraeng anjamaya untu' ikau.

PAOLE 5:14

mingka allo makatujua iamintu allo pammari-mariang nisa'laka untu' iNakke, Karaeng Allata'alanu. Anjo alloa tena manna sitau akkulle anjama, baji' naikau, ana'-ana'nu, ata-atannu, olo'-olo'nu yareka bansa maraeng niaka ammantang ri pa'rasangannu. Sikamma atannu musti ammari-mari tongi sangkamma ikau kalennu.