NEHEMIA 13:13 - KITTA' MATANGKASA'

¹³ Kusuromi siapa are tau untu' anjannangngi anjo kamara'-kamara' parsadiaanga. Ia ke'nanga iamintu: Imang Selemya, Zadok iamintu tu panritaya ri Hukkunga, siagang Pedaya se're tu Lewi. Hanan ana'na Zakur siagang cucunna Matanya, kusarei tugasa' untu' ambantui ke'nanga. Kuassengi angkana sikamma anjo taua akkullei nipatappa' siagang lanaurusuki pambageanna anjo bahang-bahanga mae ri sipanjamanna ngaseng siagang lambusu'.

NEHEMIA 13:13 Iomraidhean Croise

2 KARAENG-KARAENG 12:15

Sikamma anjo a'jaria pangawasa' sanna' kabusu' lambusu'na, jari tenamo naparallu nipappalakki ke'nanga laporang ri passala'na doe' le'baka napake ke'nanga.

2 KARAENG-KARAENG 12:16

Doe' battua ri koro'bang sambe karugiang siagang battu ri koro'bang pammopporo' dosa tena nanipantamaki ri anjo pattia. Anjo doe' kammaya nipassareangi mae ri imang-imanga.

2 KARAENG-KARAENG 22:7

Anjo sikamma pangawasa' jama-jamanga sanna' lambusu'na, jari tenamo naparallu nipappalakki laporang ri passala'na doe' nipassareanga mae ri ke'nanga.”

NEHEMIA 10:38

Mingka nia' sitau imang turungang battua ri Harun musti anrurungangi ke'nanga anjo tu Lewia, punna napasse're ke'nanga anjo sikamma passarea. Nabage sampulona anjo sikamma passarea musti nierangi ri tu Lewia mange ri kamara'-kamara' parsadiaanga ri Balla'Na Batara ri Yerusalem.

NEHEMIA 11:22

Sikamma pangawasa' tu Lewi, ia ammantanga ri Yerusalem, iamintu Uzi ana'na Bani, cucunna Hasabya. Siapa area boe-boena iamintu kammaya Matanya siagang Mikha. Antama tongi golongang Asaf, ia tugasaka angngurusuki pamusika ri wattu passambayanganga ri Balla'Na Batara ri Yerusalem.

NEHEMIA 12:44

Anjo wattua nia' siapa are tau nisare tugasa' anjannangngi kamara'-kamara' tampa' parsadiaanga untu' amboliki sikamma sumbangang untu' Balla'Na Batara ri Yerusalem, kammayatompa passare bage sampulona siagang wassele' bungasa'na taua taung-taung. Sikamma anjo pajannanga musti napa'rappungi anjo sumbangang-sumbanganga battu ri sikamma koko niaka ri tammulilina kota-kotaya. Anjo sumbangang-sumbanganga nipassareangi mae ri sikamma imanga siagang tu Lewia, situru' paratoranna Hukkunga. Sikamma tu Yehudaya nahargai sikamma anjo imanga siagang tu Lewia,

NEHEMIA 7:2

Pamarentahanga ri Yerusalem kupappirannuangi mae ri sari'battangku Hanani siagang Hananya, panglimaya, nasaba' ia la'bi bajikangngangi natau maraenga, mallaki ri Allata'ala siagang akkullei nipatappa'.

NEHEMIA 8:4

Ammentengi Ezra irate ri podiung kayu le'baka nipare' untu' kaparalluanna anjo pa'rappunganga. Ri sa'ri kananna ammentengi siapa are tau iamintu: Matica, Sema, Anaya, Uria, Hilkia, siagang Maaseya; nampa ri sa'ri kairinna ammentengi: Pedaya, Misael, Malkia, Hasum, Hasbadana, Zakharia siagang Mesulam.

LUKAS 12:42

Appialimi Isa Nakana, “Inai palayang tuli baji' siagang cara'de' sa'genna niangka' ri karaenna a'jari kapala mae ri palayang-palayang maraenga, sollanna nasare kanre ke'nanga punna narapi' wattunna?

LAMPA-LAMPANA 4:35

nanapassareang mae ri sikamma tunisuroNa Allata'ala. Nampa nipa'bage-bageang anjo doeka mae ri sikamma tau kaparalluanga.

LAMPA-LAMPANA 6:1

Pila' sallo, pila' jaimi tau tappa' ri Isa. Anjo wattua a'jari tenamo nasannang nyawana tau tappa' bansa Yahudi a'bicara Yunania mae ri tau tappa' bansa Yahudi totoka. Nakanamo a'bicara Yunania, “Sikamma bai'-baine janda niaka ri kambe tanibageiyai ongkoso' kaparalluang allo-allo nipa'bage-bageanga mae ri taua.”

LAMPA-LAMPANA 6:3

Jari, bajiki punna nupileimo battu ri kau ngaseng tuju tau baji' ampea siagang nikoasaia ri RohNa Allata'ala, akkullea nisare jama-jamang, langngatoroki anne passala' apa-apa lanikanrea;

1 KORINTUS 4:2

Uru-uruna nituntu' ri anjo palayang kammaya iamintu tamalanrea mae ri karaenna.

1 TIMOTIUS 1:12

Appala' sukkurukka' mae ri Batarata Isa Almasi. Iami le'ba' assarea' kagassingang untu' allayani mae ri Ia, siagang ampa'jaria' tau siratang anggaukangi anjo jama-jamanga.

1 TIMOTIUS 3:10

Parallui nipilajari baji' rolong ke'nanga; na punna tenaja apa-apa callanna ke'nanga, nampami akkulle niangka' ke'nanga a'jari pambantu lalang ri jama'aka.