NEHEMIA 13:11 - KITTA' MATANGKASA'

¹¹ Kupakainga'mi sikamma tutoa-toana ke'nanga lanri nalappassanna ke'nanga taniurusa Balla'Na Batara. Nampa kukio' ammotere' sikamma tu Lewia siagang pakarena musika, nampa kusuro anggaukangi ammotere' tugasa'na ke'nanga.

NEHEMIA 13:11 Iomraidhean Croise

NEHEMIA 10:39

Ra'ya' Israel siagang tu Lewi musti angngerangi sumbangang attantu iamintu a'rupa gandung, anggoro', siagang minynya' zaitun mange ri kamara' parsadiaanga untu' pammolikang pakkakasa'-pakkakasa' Balla'Na Batara ri Yerusalem. Anjoreng tommi ammantang sikamma imang tugasaka, sikamma pajaga pakke'bu' lompona Balla'Na Batara ri Yerusalem kammayatompa sikamma pakelonga. Tena natakkaluppa ikambe amparakai Balla'Na Batarana ikambe ri Yerusalem.

NEHEMIA 13:17

Kupakaingaki sikamma pamimping Yehuda kukana, “Tanuassengaika kalennu angkana a'gau' ja'dalakko lanri nura'massinna allo Pammari-marianga?

NEHEMIA 13:25

Kupakaingaki ke'nanga siagang kutunrai ke'nanga. Nia' todong kuba'ji siagang kuparuntang uu'na. Nampa kusuro ke'nanga assumpa lalang arenNa Allata'ala angkana ke'nanga siagang ana'-ana'na ke'nanga tenamo nalasicampuru' a'bunting pole.

AYUB 31:34

Tena kumalla' ri panggappana tau jaia, siagang tena kujampangi kana-kana anghinana taua. Tenale'baka' ammantang ri balla' yareka a'mereki bawang, lanri mallakku bawang nihina.

PANGNGEBARANG 28:4

Inai tanjampangiai hukkunga, agangi tau ja'dalaka; inai mannuruki ri hukkung, nabaliangi tau bambalaka.

1 SAMUEL 2:17

Kammaminjo antekamma doraka lompona anjo ruaya ana'na Eli ri dallekanNa Batara, lanri nabawang-bawanganna passare koro'banga untu' Batara.