NEHEMIA 13:10 - KITTA' MATANGKASA'

¹⁰ Le'baki anjo, kurapikammi sikamma pakarena musika siagang tu Lewia nabokoimi Yerusalem, nampa ammotere' mange ri massing kokonna ke'nanga, lanri tena nigannakkiangi kaparalluanna ke'nanga.

NEHEMIA 13:10 Iomraidhean Croise

2 PATTOTTORANG 31:4

Pantaranganna anjo nasuroi karaenga pandudu' Yerusalem angngerang passare le'baka nipattantu untu' sikamma imanga siagang tu Lewia, sollanna akkulle ke'nanga amparhatikang tojeng-tojengi siagang ampassareangi sikontu wattunna untu' allayani ri Balla'Na Batara sangkamma niaka tattulisi' lalang ri hukkung-hukkunNa Batara.

NEHEMIA 10:37

Lanaerangi ikambe mae ri imanga ri Balla'Na Batara ri Yerusalem gandung nileoka, ia uru niallea taung-taung, kammayatompa apa-apa nipassareang maraengannaya kammayami anggoro', minynya' zaitun siagang sikamma rappo-rappoanga. Passare bage sampuloa battu ri wassele' kokonna ikambe, lanaerangi ikambe mange ri tu Lewi, ia ampasse'reai anjo passare bage sampuloa ri kota-kotana pamarria.

NEHEMIA 10:39

Ra'ya' Israel siagang tu Lewi musti angngerangi sumbangang attantu iamintu a'rupa gandung, anggoro', siagang minynya' zaitun mange ri kamara' parsadiaanga untu' pammolikang pakkakasa'-pakkakasa' Balla'Na Batara ri Yerusalem. Anjoreng tommi ammantang sikamma imang tugasaka, sikamma pajaga pakke'bu' lompona Balla'Na Batara ri Yerusalem kammayatompa sikamma pakelonga. Tena natakkaluppa ikambe amparakai Balla'Na Batarana ikambe ri Yerusalem.

NEHEMIA 12:47

Ri jammanna Zerubabel siagang ri jammanna Nehemia, sikontu ra'ya' Israel assarei passare untu' anggannakki kaparalluang allo-allona sikamma pakelonga siagang pajaga pakke'bu' lompona Balla'Na Batara ri Yerusalem. Assare tommi ra'yaka passare poro untu' tu Lewia, nampa tu Lewia nasare tommi sikamma imanga bageang le'bakamo nipattantu.

YESAYA 43:23

Tena nungngerang gimbala' untu' koro'bang nitununu, tena nupakalompoA' siagang passarenu. Nampa tenaja Kubattalliko siagang koro'bang, yareka Kususaiko lanri annuntuKa' kamanynyang.

MALEAKHI 3:8

Kamma-kamma anne akkuta'nanga' mae ri kau: Maka akkullei rupataua antipui Allata'ala? Tantu tena nakkulle. Mingka kamma tonji annipunu. Akkuta'nangko angkana, ‘Antekamma batena annipu ikambe?’ PialingKu: Lalang a'bayara'nu bage sampulo battu ri panggappannu siagang lalang assarenu passare.

PAMMILANGNGANG 35:2

“Pabattui mae ri bansa Israel angkanaya anjo butta pisaka lanatarimaya ke'nanga, nia' siapa are kota siagang parang ruku' niaka ri tammulilina musti napassareangi ke'nanga mae ri tu Lewi sollanna akkulle ke'nanga ammantang anjoreng.

PAOLE 12:19

Jagai gassingka nubalang parekangi tu Lewia na tena nasilolongang katallassanna lalang ammantannu ri anjo pa'rasanganga.