NEHEMIA 12:47 - KITTA' MATANGKASA'

⁴⁷ Ri jammanna Zerubabel siagang ri jammanna Nehemia, sikontu ra'ya' Israel assarei passare untu' anggannakki kaparalluang allo-allona sikamma pakelonga siagang pajaga pakke'bu' lompona Balla'Na Batara ri Yerusalem. Assare tommi ra'yaka passare poro untu' tu Lewia, nampa tu Lewia nasare tommi sikamma imanga bageang le'bakamo nipattantu.

NEHEMIA 12:47 Iomraidhean Croise

2 KARAENG-KARAENG 7:10

Lanri kammana anjo ammotere'mi ke'nanga mange ri Samaria nampa akkio' mae ri pangawala'na pakke'bu' lompona kotaya, angkana, “Le'baki kambe a'lampa mange ri pakkemaanna tu Siria, nampa tena sikalimo tau anjoreng. Narapikangi kambe jaranna siagang keledaina ke'nanga nia' ngasengiji tappaukang ri tampa'na, nampa kemana ke'nanga nabokoi bawang-bawanji.”

EZRA 2:2

Ia pamimping-pamimpinna ke'nanga iamintu: Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum, siagang Baana. Iaminne dattara'na golongang kaluarga Israel siagang siapa jaina ke'nanga battu ri tasse're golongang, ammotereka battu ri pa'rasangang pammelakkang:

NEHEMIA 11:23

Giliranna massing golonganga untu' angngurusu' musi' ri passambayanganga ri Balla'Na Batara ri Yerusalem, nipattantu allo-alloi manuru' paratoranna karaenga.

NEHEMIA 12:1

Iaminne sikamma imanga siagang tu Lewia, ammotereka battu ri pa'rasangang pammelakkanga siaganga a'rurung Zerubabel ana'na Sealtiel siagang Imang Lompo Yesua:

NEHEMIA 12:12

Iaminne dattara' areng-arenna imang kapalaya siagang golonganna ke'nanga ri wattunna Yoyakim tugasa' a'jari imang lompo: Imang Golongang Meraya Seraya Hananya Yeremia Mesulam Ezra Yohanan Amarya Yonatan Melikhu Yusuf Sebanya Adna Harim Helkai Merayot Zakharia Ido Mesulam Gineton Zikhri Abia … Minyamin Piltai Moaja Samua Bilga Yonatan Semaya Matnai Yoyarib Uzi Yedaya Kalai Salai Heber Amok Hasabya Hilkia Netaneel Yedaya

NEHEMIA 12:26

Wattu attallasa'na ke'nanga iamintu ri jammang Yoyakim ana'na Yesua, cucunna Yozadak, siagang ri jammang guburnur Nehemia, kammayatompa Imang Ezra panrita Hukkunga.

GALATIA 6:6

Tau annarimaya pangngajarang battu ri Almasi, parallui nabage siagang gurunna apa-apa niaka ri ia.

PAOLE 18:8

Musti anggappai kanre sangkammaya jaina siagang imang-imang maraenga; apa nagappaya battu ri kaluargana, untu' ia todong.”